Search

You may also like

Trump-Beroder Roger Stone muss an de Bing
Kultur Neiegkeeten

Trump-Beroder Roger Stone muss an de Bing

Eigentlech wollt de Parquet de US-President säi Frënd fir 9

Vu Mënscherechter a Rechtsstaatlechkeet
Kultur Neiegkeeten

Vu Mënscherechter a Rechtsstaatlechkeet

Nodeems déi tierkesch Invasiounstruppen an der nordsyrescher Provënz „Verloschter“ hu

Déi „schwaarz Bei“ en natierleche Patrimoine
Kultur Neiegkeeten

Déi „schwaarz Bei“ en natierleche Patrimoine

D‘Hunneg-Bei ass aus wirtschaftlecher Siicht een vun de wichtegste Bestäuber

15. – 16. Juni: Useldeng am Mëttelalter

13. Editioun vum beléifte Mëttelalterfest

15. – 16. Juni: Useldeng am Mëttelalter

Wéi all Joers Mëtt Juni versammele sech Ritter, Gaukler a Museker ëm d’Useldenger Buerg a begi sech soumat op eng spannend an ënnerhalsam Rees an d’Räich vum Mëttelalter. Déi historesch Veranstaltung a mëttlerweil schonn 13. Editioun vun Useldeng am Mëttelalter fënnt de Weekend vum 15. a 16. Juni 2019 zu – wou och soss – Useldeng statt.

Eng héich Unzuel un Händler mat hiren historesche Stänn souwéi fläisseg Handwierker verschafen interesséierte Besicher en Abléck a bal ausgestuerwe Beruffer. Wie sech e Bild vum Liewen zu deenen Zäite maache wëll, dee brauch nëmmen an d’Zelter eran ze kucken, wou déi edel Ritter a rau Wikingergeselle sech breet gemaach hunn.

Museker, Gaukler a Jongleuren aus der Tschechescher Republik, Frankräich, Däitschland a Lëtzebuerg souwéi den allgemenge Pöbel animéieren d’Gäscht a suerge fir gutt Laun. Och fir dat klengt Rittervollek ass vill gebueden: lescht Joer haten déi Jonk eng grouss Auswahl mat Keramik-Atelier, Kanner-Ritter-Turnéier, Karussell, Leemhütte bauen a villes méi.

Och beim Zier suerge mëttelalterlech Spezialitéite fir en zefriddene Mo. Souwuel fir de Kolleg vum Fleesch wéi och fir de Vegetarier ass eppes dobäi.

Iwwerbléck

Samschdeg, de 15. Juni 2019 vun 11:00 bis 01:00 Auer
Sonndeg, de 16. Juni 2019 vun 10:00 bis 19:00 Auer
Den Entrée fir Erwuessener kascht 6 Euro, mat Verkleedung nëmmen 2 Euro.
Kanner ënner 12 Joer souwéi Leit mat Handicap komme gratis eran.

 

 

Related topics Buerg Useldeng, Mëttelalterfest, Useldeng, Useldenger Mëttelalterfest
Next post Previous post