Search

You may also like

Spuenien wëll Impfgéigner registréieren
International Neiegkeeten

Spuenien wëll Impfgéigner registréieren

Zanter iwwert de Covid19-Impfstoff rieds ass, an elo wou en

D’Gewënner vum 8e Lëtzebuerger Filmpräis
International Neiegkeeten

D’Gewënner vum 8e Lëtzebuerger Filmpräis

E Samschdeg, den 22. September huet déi 8. Editioun vum

Polnesch Justizreform vum EuGH ofgestrooft
International Neiegkeeten

Polnesch Justizreform vum EuGH ofgestrooft

Um Europäesche Geriichtshaff (EuGH) zu Lëtzebuerg hunn d‘Magistrate gëschter entscheet,

40 järege Polizist an der Belsch verhaft

Dem Beamte vu Verviers ginn nawell zolidd Virwërf gemaach, hien huet näischt ausgelooss

40 järege Polizist an der Belsch verhaft

E Samschdeg huet de Parquet vu Léck bestätegt datt e 40 järege Polizist vu Verviers en Dënschdeg verhaft ginn ass an uschléissend an Untersuchungshaft gesat gouf. Him ginn eng ganz Rëtsch u Verbrieche virgeworf: Bedeelegung un enger krimineller Vereenegung, Handel mat Doppingmëttel, illegale Waffebesëtz a Proxenitismus.

Déi federal Police (fréier Gendarmerie) hat leschten Dënschdeg fofzéng Perquisitiounen an der Ëmgéigend vu Verviers duerchgefouert an heibäi fënnef Persounen interpelléiert. D‘Operatioun war am Kader vun enger Enquête iwwer organiséiert Kriminalitéit am Kontext vun Drogenhandel an dem Verkaf dunn Doppingmëttel duerchgefouert ginn. Eng Enquête, déi viru Méint ugefaangen hat.

Am Laf vun den Ermëttlungen, sinn d‘Enquêteuren op ee Fitnessstudio zu Verviers gestouss. Si sollte „positiv“ iwwerrascht ginn: Doppingmëttel, Drogen a masseg Boergeld, dozou nach e sëlleche Waffen – déi waren ënnert dem falsche Plafong verstoppt – an um leschte Stack waren dann och nach Houeren ënnerbruecht ginn. Ee klassesche Fall vun organiséierter Kriminalitéit.

E vun de „Verantwortlechen“ an dësem Fitnessstudio war deen elo beschëllegte Polizist. Vun den insgesamt fënnef „Verdächtegen“ sinn der véier no hirem Passage virun der Chamber vum Conseil direkt verhaft an, an Untersuchungshaft gesat dorënner de Polizist. Deen ass vun de „Kollegen“ an de Prisong vun Huy iwwerstallt ginn. D‘Enquête leeft an Tëschenzäit weider…

mat indymedia/lgg

Illustratioun: Jörg Husemann / Pixabay

Related topics Drogen, organiséiert Verbriechen, Parquet, Polizist, Prostitutioun, Verviers, Waffen
Next post Previous post