50 Maske pro Resident: Hei fannt Dir d’ Verdeelerpunkten

An der Sitzung vum 4. Mee 2020 huet d’Regierung decidéiert, datt mat der Ënnerstëtzung vun de Gemengen an dem CGDIS all Lëtzebuerger Resident ab 16 Joer 50 gratis Schutzmasken ze Gutt huet. D’Verdeele vun dëse Masken leeft iwwert speziell ageriicht Statiounen, déi déi jeeweileg Gemeng senge Bierger matdeele wäert.

Eng Kaart mat alle Verdeelerpunkte fannt Dir elo schonn HEI. D’Säit gëtt no an no mat den Informatioune zur Plaz an Auerzäit vun de Gemengen gefiddert. Den Inneministère erënnert dorunner, datt ee seng Maske just mam entspriechende Bon de Retrait ka siche goen. Beschtefalls hëlt eng Persoun d’Maske fir de ganze Menage mat ewech.

Jee no Gemeng gëtt een Drive-In ugebueden, oder och d’Liwweren u vulnerabel Persounen.

Beispill Stad Lëtzebuerg

D’Distributioun vu Schutzmaske gëtt an der Stad Lëtzebuerg vum Dënschdeg, de 26. Mee bis Samschdes, den 30 Mee, a vun Dënschdes, den 2. Juni bis Samschdes de 6. Juni op 9 Plazen organiséiert.

D’Walk-In-Guicheten sinn op vun 9:00 bis 17:00 Auer:

• Hall Victor Hugo (Lampertsbierg): 60, avenue Victor Hugo, L-1750 Lëtzebuerg
• Ratskeller (Cercle Cité): rue du Curé, L-1368 Lëtzebuerg
• Centre culturel de Bonnevoie: 2, rue des Ardennes, L-1133 Lëtzebuerg
• Rotondes (Bonnevoie): place des Rotondes, L-2448 Lëtzebuerg
• Provisoresch Sportshal um Cents: boulevard Charles Simonis, L-2539 Lëtzebuerg
• Centre sociétaire Institut St Jean (Belair): 110, avenue Gaston Diderich, L-1420 Lëtzebuerg

D’Drive-In-Guicheten sinn op vun 11:00 bis 19:00 Auer:

• Parking Adenauer (Kierchbierg): boulevard Konrad Adenauer
• Parking Hall Omnisports Dummeldeng: 151, rue Nicolas Hein, L-1721 Lëtzebuerg
• Skatepark (Hollerech) : 5, rue de l’Abattoir, L-1111 Lëtzebuerg

Vulnerabel Persoune sollen der Helpline 4796-4796 vu Méindes bis Freides vun 9:00 bis 16:00 Auer uruffen. Et gëtt geroden, datt sou fern et méiglech ass ee Familljemember oder eng aner nostoend Persoun d’Maske siche geet.