Search

You may also like

Vereedegung vun enger Offizéiesch bei der Arméi
Neiegkeeten

Vereedegung vun enger Offizéiesch bei der Arméi

Gëschter huet de Verdeedegungsminister François Bausch eng Offizéiesch vun der

Esch-Uelzecht: Eng Nuecht fir d‘Kultur
Neiegkeeten

Esch-Uelzecht: Eng Nuecht fir d‘Kultur

Dat déi Escher „Nuit de la Culture“ war wéinst der

Rout FLEX-Minie mat gréngem Häerz
Neiegkeeten

Rout FLEX-Minie mat gréngem Häerz

De Carsharing-Déngscht „FLEX“ vun der CFL feiert schonn säin 3.

6. MakerFest – Digital Kreativitéit fir jiddwereen!

6. MakerFest – Digital Kreativitéit fir jiddwereen!

Et ass ewell déi 6. Editioun vum MakerFest, déi um 8. an 9. Juli 2019 tëscht 9:00 an 18:00 Auer am Lycée Edward Steichen zu Klierf stattfënnt. D’Evenement adresséiert sech u Klasse vun der Primärschoul an dem Lycée, u Gruppen aus de Maison Relaisen, d’Jugendhaiser, wéi och u Famillen.

De ganzen Dag iwwer proposéiere méi wéi 40 Stänn déi verschiddenst Aktivitéiten. Esou ass et beispillsweis méiglech, een Abléck an d’Programmatioun ze kréien, Drone fléien ze loossen, Roboter ze steieren oder och sech un digitale Spiller ze erfreeën. An dësem Joer soll da virun allem de Beräich vun den erneierbaren Energien an der nohalteger Entwécklung ervirstiechen.

Wien deelhuele wëll brauch keng speziell Kenntnisser ze hunn. Et sollt ee just virwëtzeg sinn an Interessi un den neien Technologie weisen.

MakerFest

D’MakerFest, dat 2 Mol am Joer organiséiert gëtt – ee Mol am Summer an am Wanter – ass den Héichpunkt vun den 29 Makerspaces, déi am ganze Land an 26 Lycéeën, 3 Primärschoulen an am Forum Geesseknäppche verdeelt sinn.

Am Joer 2015 huet dat Ganz ugefaangen an déi sougenannt Makerspaces bidde kreative a pluridisziplinär Raum fir all jonke Mënsch, dee sech un der Technologie interesséiert. Dobäi ka jiddweree säi Projet realiséieren an Accès zum gëeegenten Equipement kréien. Esou soll virun allem d’Kreativitéit, d’Talent an de Geescht fir d’Entreprise stimuléiert ginn, an dat am Kontext vun der Digitaliséierung vun eiser Gesellschaft an Ekonomie.

Um 9. Juli wäerte 7 ausgewielte Lycéeën an der Final vun der éischter Editioun vum Goodyear STEM Student Challenge (STEM: Science, Technology, Engineering, Math) openeen treffen. Um selwechten Dag wäert och d’Präisiwwerreechung stattfannen.

Related topics Lycée Edward Steichen, MakerFest
Next post Previous post