Search

You may also like

„Go By Brooks“ an der Purple Lounge
Neiegkeeten

„Go By Brooks“ an der Purple Lounge

Dat neit Joer fänkt fir de Grand-Duché scho musikalesch un!

Statistik: Kreeslaferkrankungen a Kriibs sinn déi Haaptursaache fir den Dout
Neiegkeeten

Statistik: Kreeslaferkrankungen a Kriibs sinn déi Haaptursaache fir den Dout

Säit der Ëmsetzung vum groussherzogleche Reglement vum 20. Juni 1963,

What the Fakt – New York kritt säin éischt Tram, an zwar mat Päerd
Neiegkeeten

What the Fakt – New York kritt säin éischt Tram, an zwar mat Päerd

Um 26. November 1832 gëtt am Big Apple déi alleréischt

Aarbechten am Tunnel Cents an Tunnel Houwald ab e Freideg

Aarbechten am Tunnel Cents an Tunnel Houwald ab e Freideg

D’Stroossebauverwaltung informéiert doriwwer, datt dëse Weekend den Tapis am Tunnel Cents erneiert gëtt a Maintenance-Aarbechten am Tunnel Houwald duerchgefouert ginn. Doduerch kënnt et zu Spärungen an Ëmleedungen fir Verkéier.

D’Aarbechten am Tunnel Cents an Tunnel Houwald fänken e Freideg, den 15. Mee 2020 géint 21 Auer un an daueren bis Sonndes, de 17. Mee 2020 géint 20 Auer. D’Aarbechte sinn an 3 Phasen opgedeelt.

Folgend Spärungen an Ëmleedunge si virgesinn:

Phas 1 (Vum 15. Mee 2020 géint 21 Auer bis zum 16. Mee géint 16 Auer)

  • D’Autobunn A1 tëscht dem Echangeur Sennengerbierg an dem Echangeur Hamm ass gespaart;
  • D’Bretelle vun der Opfaart vum Echangeur Kierchbierg, wann ee vun der N51 kënnt an a Richtung Echangeur Hamm fiert, ass gespaart;
  • D’Bretelle vun der Opfaart vun der Jonctioun Gréngewald vun der A7 an a Richtung vum Echangeur Hamm (A1) ass gespaart.
  • Den Trafic, dee vun der N51 (Echangeur Kierchbierg), der A7 (Jonctioun Gréngewald) an der A1 (Treier) kënnt an a Richtung Echangeur Hamm ënnerwee ass gëtt ëmgeleet ab dem Echangeur Sennengerbierg iwwert d’N1, d’N1A an d’N2a bis bei den Echangeur Hamm.

Phas 2 (Vum 15. Mee 2020 géint 22 Auer bis de 16. Mee 2020 géint 6 Auer)

  • D’Autobunn A1 tëscht dem Echangeur Hamm an dem Gaasperecher Kräiz ass a Richtung Gaasperecher Kräiz gespaart;
  • D’Bretelle vun der Opfaart vum Echangeur Hamm, wann ee vun der N2/N2A kënnt an a Richtung Gaasperecher Kräiz vun der A1 fiert, ass gespaart.
  • Den Trafic, dee vum Rondpoint Irgäertchen vum Echangeur Hamm kënnt an a Richtung Gaasperecher Kräiz fiert, gëtt ëmgeleet iwwert d’N1, d’N2 an d’B3 bis bei de Rondpoint Gluck vun der A3 an a Richtung Gaasperecher Kräiz.

Phas 3 (Vum 16. Mee 2020 géint 20 Auer bis zum 17. Mee 2020 géint 18 Auer)

  • Spärung vun der Autobunn A1 tëscht dem Echangeur Hamm an dem Echangeur Kierchbierg a Richtung Treier.
  • Den Trafic, dee vum Gaasperecher Kräiz vun der A1 kënnt an a Richtung Tréier ënnerwee ass, gëtt ëmgeleet ab dem Echangeur Hamm iwwert d’N2A, d’N1A an d’N1 bis bei den Echangeur Sennengerbierg.
Related topics Echangeur Hamm, Echangeur Kierchbierg, Gaasperecher Kräiz, Maintenance, Stroossebauverwaltung, Stroossebelag, Tapis, Tréier, Tunnel Cents, Tunnel Houwald
Next post Previous post