Search

You may also like

FairFashion Lab – Wa Konscht an nohalteg Moud vereent ginn
Neiegkeeten

FairFashion Lab – Wa Konscht an nohalteg Moud vereent ginn

Am Kader vun der Campagne „Rethink your Clothes“ huet sech

dislike
Biodiversitéit-Hotspot duerch Plastik verseucht
Neiegkeeten

Biodiversitéit-Hotspot duerch Plastik verseucht

Wéi d‘Equipp vu Greenpeace Südostasien-Philippinnen et déi lescht Woch matgedeelt

D’Schoulen an de Coronavirus: D’Situatioun vum 1. bis de 7. Mäerz
Neiegkeeten

D’Schoulen an de Coronavirus: D’Situatioun vum 1. bis de 7. Mäerz

279 Fäll déi dem Zeenario 1 entspriechen, goufen an ëffentlechen

Aarbechtsplazofbau no Rekordëmsaz bei RTL Group S.A.

Verwaltungsrot huet entscheet 94 Plazen an der Konzernzentral ofzeschafen

Aarbechtsplazofbau no Rekordëmsaz bei RTL Group S.A.

Ganz esou wéi Bertelsmann et Enn August annoncéiert huet, ass et dann elo och entscheet ginn. An senger Sëtzung vum 2. Oktober huet de Verwaltungsrot vu RTL Group beschloss: d‘Konzernzentral zu Lëtzebuerg gëtt vun 112 op 18 Aarbechtsplaze reduzéiert.

Wat ass de Grond fir dës arbiträr Decisioun? Dës Restrukturéirungsmoossname sollen derzou bäidroe Käschten anzespueren. Eng Moossnam déi bei engem Rekordgewënn vun iwwer 400 Milliounen Euro am éischte Semester 2019, wuel net vun alle Salariéeë verstanen dierft ginn.

Beim OGBL ass een „zimlech“ veriergert. D‘Gewerkschaft verweist op d‘Ofkommes vum 31. Mäerz 2017, dat tëscht der Regierung engersäits an der RTL Group, CLT-UFA a Bertelsmann anerersäits ënnerschriwwe gouf. Doranner gëtt ënnert anerem d‘Verankerung vun der Konzernzentral zu Lëtzebuerg geregelt. Dësen Deel vun der Vereenbarung ass allerdéngs esou geheim, datt net emol den Deputéierten (als Kontrollorgan) erlaabt ass sech dat unzekucken.

Et ass awer bekannt, datt d‘Regierung Regele festgeluecht huet, déi besoen datt de Konzern seng Féierungsstruktur net dierf an d‘Ausland verlageren. An senger Äntwert op eng parlamentaresch Fro vum CSV-Deputéierte Laurent Mosar, huet de Premier geschriwwen:„An dësem Ofkommes ass ënnert anerem festgehalen, datt de Standuert Lëtzebuerg als Konzernzentral erhale bleift“.

Dat ass eng vun de vertragleche Flichte vun der RTL Group, déi derzou bäidréit, datt de Staat de Bertelsmänner all Joers an dat nach bis 2023, zéng Milliounen Euro hannen erastécht, fir de lëtzebuergesche RTL-Programm ze gestalten. Eigentlech, zumindest reng juristesch betruecht, wier d‘Konzernzentral och mat nëmmen enger Persoun, nach zu Lëtzebuerg…

Voll op den Aarm geholl?

Elo froen sech d‘Personaldelegatioun an d‘Gewerkschaften OGBL an LCGB, ob déi 18 Leit déi erhale bleiwen, nach eng „Konzernzentral“ sinn. Ass et net villméi esou, datt d‘Regierung sech op den Aarm huele gelooss huet, an en Ofkommes ënnerzeechent huet, an deem och eng „Bréifkëscht“ nach als Konzernzentral misst unerkannt ginn?

Wann een dann nach consideréiert, datt hei Steiergeld opgewannt gëtt an et ëm eng, och fir eis Verhältnisser, grouss Unzuel un Aarbechtsplaze geet, ass d‘Fuerderung un d‘Regierung, déi Geheimhaltung ad acta an d‘Ofkommes oppen duer ze leeën, duerchaus berechtegt. Nëmmen en Abléck an dee ganzen Text erméiglecht et ze klären, op hei géint de Vertrag verstouss gëtt.

Dat wäert wuel éischter net geschéien, well jo och d‘Regierung an dësem Dokument Saachen dierft ënnerbruecht hunn, vun deenen si iwwerzeegt ass, datt et hir schuede géif, wann dat ëffentlech géif ginn. Ëmmerhi war et ee liberale Kommunikatiounsminister, deen dësen Deal erméiglecht huet.

Well een et weder bei RTL Group nach der CLT-UFA a schonn emol guer net bei Bertelsmann op en Dialog wëll ukomme loossen, huet d‘Personaldelegatioun hir Positioun schrëftlech virgeluecht an deem ënnert anerem festgehale gëtt, datt de Management net genuch ënnerhëlt fir Aarbechtsplazen ze erhalen a sech nëmmen op e Sozialplang konzentréiert.

Entspriechend dem Aarbechtsrecht, muss awer de Konzern der Personaldelegatioun eng schrëftlech Begrënnung zoukomme loossen, an där déi konkret Grënn genannt ginn, déi derzou gefouert hunn, datt déi kritesch Stellungnam vun der Personaldelegatioun verworf ginn ass. D‘Verhandlungen zum Sozialplang sollen déi nächst Woch opgeholl ginn.

Related topics Aarbechtsplazofbau, Bertelsmann, CLT-UFA, Rekordëmsaz, RTL, RTL-Group, Sozialplang
Next post Previous post