Search

You may also like

Englesch Charmoffensiv a Schottland
International Neiegkeeten

Englesch Charmoffensiv a Schottland

De Wonsch no Onofhängegkeet war a Schottland seelen esou grouss

D‘Blanche vu Battin… der Traditioun verflicht
International Neiegkeeten

D‘Blanche vu Battin… der Traditioun verflicht

Battin, déi fréier Escher Brauerei, ass 2005 vun der Brasserie

De Stater Bierger a seng „Léift“ zum Garer Quartier
International Neiegkeeten

De Stater Bierger a seng „Léift“ zum Garer Quartier

Wann et gutt a wichteg ass, datt déi politesch verantwortlech

Fridden am Afghanistan: Lëtzebuerg bitt finanziell Ënnerstëtzung an humanitär Hëllef

Fridden am Afghanistan: Lëtzebuerg bitt finanziell Ënnerstëtzung an humanitär Hëllef

Gëschter huet de Baussen- an Europaminister Jean Asselborn un der internationaler Videokonferenz zum Schutz an der Fërderung vum Fridden am Afghanistan deelgeholl. Déi digital Versammlung stoung dobäi ënnert dem Thema „Fridden, Wuelstand an Autonomie“.An dësem Kader huet de Minister fir dat kommend Joer humanitär Hëllef an Ënnerstëtzung bei den Entwécklungsprojeten an Héicht vun 2,5 Milliounen Euro versprach.

Um 12. September 2020 ass e wichtege Schrëtt zum Opbau vu Fridden tëscht der afghanescher Regierung an den Taliban zu Doha gemaach ginn. D’Gewalt a brutal Attacken säitens den Taliban hunn trotzdeem zougeholl, wouduerch de Minister Asselborn eng global a bedéngungslos Wafferou fuerdert. Generell missten déi demokratesch Errongenschafte méi staark geschützt a verdéift, gläichzäiteg awer och d’Rechter vun de Fraen gefërdert ginn.

Bei dëser internationaler Konferenz, déi vu Finnland, dem Afghanistan an de Vereenten Natiounen organiséiert ginn ass, gouf d’Lëtzebuerger Solidaritéit kloer ervirgehuewen. „Als zouverlässege laangen Donateur wäerte mir eis weiderhin engagéieren fir Afghanistan an dësem kruziale Moment Hëllef ze bidden“, sou eisen Diplomat. Dobäi verfollegt ee kloer déi 3 D’en: „diplomacy, development, defense“ (iwwersat: Diplomatie, Entwécklung, Verdeedegung).

Méi wéi 90 Länner, sou wéi international Organisatiounen an Agencen hunn un dësem wichtegen, dës Kéier digitalen Evenement deelgeholl, fir dat gemeinsamt Zil – de Fridden am Afghanistan – ze diskutéieren. Nieft de Versprieche vu finanzieller Ënnerstëtzung gouf eng gemeinsam politesch Deklaratioun ugeholl an eng nei Hëllefsarchitektur erstallt, an där déi genee Investissementer vun den internationale Partner fir d’Zukunft festgehale sinn.

Related topics #Afghanistan2020, Afghanistan, Baussen- an Europaministère, Diplomatie, Entwécklung, finanziell Hëllef, Fraerechter, Fridden, Gewalt, Jean Asselborn, Solidaritéit, Taliban
Next post Previous post