Search

You may also like

200 Joer Karl Marx: Amplaz ze feieren, gëtt sech gestridden
International Neiegkeeten

200 Joer Karl Marx: Amplaz ze feieren, gëtt sech gestridden

Däitschland gesäit sech als Land vun de Dichter an Denker,

Koplescht: Ass de Wiessel vum Wahlbezierk einfach esou méiglech?
International Neiegkeeten

Koplescht: Ass de Wiessel vum Wahlbezierk einfach esou méiglech?

Dës Fro steet am Raum. Den Dag vun de Gemengewahlen

Bedeite méi Stroossekontrollen méi Sécherheet?
International Neiegkeeten

Bedeite méi Stroossekontrollen méi Sécherheet?

Fir mat Tweets fir Diskussiounen ze suergen muss een net

Afrikanesch Schwéngspescht: D’Strategie zur Reduktioun u Wëllschwäin

Afrikanesch Schwéngspescht: D’Strategie zur Reduktioun u Wëllschwäin

Bei der Visitt vun den europäeschen Autoritéiten hat de Grand-Duché d’Geleeënheet dem Expert vun der Europäescher Kommissioun d’Moossnamen zur Preventioun géint d’Ausbreedung vum Virus vun der Afrikanescher Schwéngspescht ze presentéieren.

Nom Conseil vun der Regierung um 26. Abrëll sinn d’Modalitéiten zum Reduktiounsplang vun de wëlle Schwäin (mat Ëmsetzung vum Artikel 3 vun der groussherzoglecher Reglementatioun vum 29. Mäerz 2019 zu de Moossnamen zur Preventioun géint d’Aféierung an d’Ausbreedung vun der afrikanescher Schwéngspescht) festgeluecht ginn.

An dësem Kontext huet de Minister Romain Schneider drun erënnert datt d’Reduktioun vun de wëlle Schwäin dozou bäidroe sollt, de Risiko vun der Ausbreedung vum Virus zu Lëtzebuerg ze minimiséieren. Folgend zwee Zieler hat de Reduktiounsplang:

  • D’Reduktioun vun der Populatioun vu wëlle Schwäin an der Preventiounszon, déi sech am Norde bei der Autobunn A6 vu Stengefort Richtung Lëtzebuerg, am Oste bei der A4 vu Lëtzebuerg Richtung Esch-Uelzecht, sou wéi der belscher a franséischer Grenz befonnt hunn.
  • Entvëlkerung vun de Schwäin an der „wäisser Zon“, déi duerch déi groussherzoglech Reglementatioun vum 29. Mäerz 2019 opgestallt ginn ass.

Fir d’Zieler ze erreeche sinn 2 Moossnamen an de betraffenen Zonen agefouert ginn:

  1. An der Preventiounszon ass d’Juegd, konform zum Gesetz vum 25. Mee 2011 zur Juegd, verstäerkt ginn. An engem Bréif, deen un d’Locataire vun de betraffene Juegdberäicher adresséiert war, hunn d’Administratioun vun de Veterinär-Servicer an den Direkter vun der Administratioun fir Natur a Bëscher eng maximal Mobilisatioun vun de Jeeër opgeruff, d’Populatioun vu wëlle Schwäin an dëser Zon ze reduzéieren.
  2. An der „wäisser Zon“ ginn d’Jeeër zur drastescher Reduktioun vun de Schwäin opgeruff. Dofir ass eng Reunioun zur Ofstëmmung an d’Erhale vun Informatioune mat de concernéierte Jeeër organiséiert ginn. Als Entschiedegung fir d’Verloschter an d’Fraise gi pro erschossent Wëllschwäin 100 € bezuelt. Heivir muss d’Positioun vum Abattage geolokaliséiert ginn an un ee Centre de Collecte viru geleet ginn.
    An enger zweeter Phas wäert d’Administratioun vun der Natur an de Bëscher an der „wäisser Zon“ Instrumenter aféieren, fir esou – wann néideg – d’Entvëlkerung an der Zon ze garantéieren.
    All Kadaver aus dësem Beräich gëtt, nom Transfer an de Centre de Collecte, och do ënnersicht fir esou déi eventuell Presenz vum Virus festzestellen. Uschléissend ginn d’Kadaveren ënnert offizieller Kontroll vernicht.

An der Preventiounszon bleiwen all Bëschaarbechten, sou wéi den Accès an den Deplacement vu Persounen a Géigestänn erlaabt. An der „wäisser Zon“ gëllen déi selwecht Bestëmmungen, sou laang keen Unzeeche vum Virus festgestallt ginn ass. Zu all Moment kënnen d’Moossnamen hei verstäerkt ginn.

Afrikanescher Schwéngspescht

(v.l.n.r.) Dr. Felix Wildschutz, Direkter vun der Administration des Services Vétérinaires; Romain Schneider, Minister fir Landwirtschaft, Wäibau an ländlech Entwécklung; Dr. Laurent Schley, stellvertriedenten Direkter vun der Administratioun fir Natur a Bëscher © MA

D’Aarbechte laanscht d’Grenz

An enger Woch wäerten d’Aarbechte vum Opbau vun engem Zonk ofgeschloss ginn. Op enger Streck vun 10 km laanscht déi belsch Grenz, sou wéi an de Gemenge Käerjeng, Lénger a Stengefort bleiwe just nach wéineg Lächer, déi zougemaach ginn. Trotzdeem wëll de Minister Romain Schneider preziséieren, datt och geplangt gëtt d’Cloture laanscht d’Grenz am Norde vum Land ze zéien.

Dobäi huet hien och ervir gehuewen, datt dës Moossnamen d’Friichte vun der enker Zesummenaarbecht vum Ministère fir Landwirtschaft, Wäibau a ländlech Entwécklung, dem Ministère fir Ëmwelt, Klima an Nohalteg Entwécklung, dem Ministère fir Mobilitéit an ëffentlech Aarbechten, sou wéi der Direktioun fir Verdeedegung an de Lëtzebuerger Autoritéite sinn, déi am permanente Kontakt mat den europäeschen, belschen a franséischen Autoritéite stinn.

Bei den 173 Tester u Kadavere vu Wëllschwäi sinn am Laboratoire Vétérinaie de l’État (LMVE) all Resultater negativ ausgefall. Wien ee Kadaver fënnt gëtt gebieden sech un d’Autoritéiten ënnert der Telefonsnummer 247-566 66 ze wennen. Fir weider Informatiounen zur Afrikanescher Schwéngspescht kënnt dir de Site agriculture.public.lu besichen.

Related topics Afrikanesch Schwéngspescht, Juegd, Preventioun, Romain Schneider, Virus
Next post Previous post