Search

You may also like

Regierung vu Myanmar kappt enger Millioun Mënschen den Internet
Neiegkeeten WTF

Regierung vu Myanmar kappt enger Millioun Mënschen den Internet

Schonn zanter dem Freideg sinn am Myanmar (fréier Burma) iwwert

Et gëtt nach esou eppes wéi Gerechtegkeet
Neiegkeeten WTF

Et gëtt nach esou eppes wéi Gerechtegkeet

Zanter Mee 2019 sëtzt d‘Chelsea Manning am Bundesstaat Virginia am

Eppes fir d‘Genéisser: De Kristall vun der Iechternacher Brauerei
Neiegkeeten WTF

Eppes fir d‘Genéisser: De Kristall vun der Iechternacher Brauerei

Et geet mat grousse Schrëtt op Chrëschtdag zou, an deen

surprise

Der ASTI gefält de Staatsbudget net

Der ASTI gefält de Staatsbudget net

De Veräin zur Ënnerstëtzung fir déi immigréiert Aarbechter (ASTI) bedauert mat Nodrock, datt am deposéierte Budget fir 2018, d‘Integratioun net méi als Prioritéit behandelt gëtt. Och géif et staark u politeschen Akzenter am entspriechende Gesetzprojet feelen.

D‘ASTI erkennt zwar un, datt déi Beräicher déi indirekt mat der Integratioun ze hunn, substantiell méi Mëttel erhalen. Do wou d‘Geld da schlussendlech awer wierklech gebraucht gëtt, do wier keent virgesinn. E Constat, deen ugesicht dem vun der Regierung gewollte Wuesstem, deen et ouni Immigratioun net ka ginn, besuergt mécht.

Zwar hätt de Lëtzebuerger Büro fir den Accueil an d‘Immigratioun (OLAI) géintiwwer 2017 seng Enveloppe ëm 3,5 Milliounen Euro erhéicht kritt. Dat wier awer Geld, dat integral fir d‘Paie vun de Mataarbechter opgebraucht géif ginn. Domatter kann a wëll sech d‘ASTI dann och net offannen.

Natierlech begréisst d‘ASTI d‘Extensioun vun der Enveloppe, wëll se d‘Äntwert op eng längst bekannten Noutwennegkeet ass. Anersäits misst de Finanzminister awer och anere Mechanismen zu Integratioun d‘Prioritéit ginn. Datt ass dann allerdéngs am Staatsbudget fir 2018 net de Fall.

Fir dräi „Mechanismen“ géif et am ganzen nëmme ronn eng hallef Millioun Euro, wat een duerchaus als „lächerlech geréng“ dierft bezeechnen. Rieds ass hei vun den Zouwendunge fir den nationalen Integratiounsplang, dem Vertrag „Accueil an Integratioun“ an de „Begleeten Orientéierungsparcours“.

Bei der ASTI geet een dann och dovunner aus, datt den OLAI eleng fir d‘Betreiung an den Opnameariichtunge fir Mënschen déi Asyl ugefrot hunn, wäit iwwer sechs Milliounen Euro wäert mussen ausginn. D‘Zougeständnes vu 15.000 Euro fir den Auslännerrot ass dann och e „Witz“, ee vun deene schlechten. Eigentlech sollt dëse Rot dach gestäerkt an net geschwächt ginn.

D‘ASTI bleift dann och weiderhin iwwerzeegt dovunner, datt nëmmen eng gutt Integratioun vun den Auslänner, de sozialen Zesummenhalt zu Lëtzebuerg ka garantéieren. Zudeem kéint nëmmen d‘Integratioun d‘Kompetitivitéit vum Land stäerken. Hei sollt een da vläicht och emol bedenken, datt 48% vu de Bevëlkerung a 44% vun de Salariéen Auslänner sinn.

Related topics ASTI, Integratioun, Kompetitivitéit, OLAI, Staatsbudget
Next post Previous post