Search

You may also like

surprise
Europa muss sech den Erausfuerderunge vun der Migratioun stellen
Neiegkeeten

Europa muss sech den Erausfuerderunge vun der Migratioun stellen

Staatscheffen aus siwen EU- Länner vu Südeuropa waren um Mëttwochowend

Lëtzebuergesch gëtt ëmmer méi aus dem Alldag verdrängt
Neiegkeeten

Lëtzebuergesch gëtt ëmmer méi aus dem Alldag verdrängt

Et geet ëm d’Proportionalitéit. Nach ni louch d’Verhältnes fir d’Lëtzebuerger

Lëtzebuerg huet d‘Zeremonie fir den internationale Solar-Präis 2019 zougestane kritt
Neiegkeeten

Lëtzebuerg huet d‘Zeremonie fir den internationale Solar-Präis 2019 zougestane kritt

Zanter 2002 aktiv an der Fërderung an der Verbreedung vun

Eng Sprooch online üben – D’ASTI sicht Fräiwëlleger

Eng Sprooch online üben – D’ASTI sicht Fräiwëlleger

D’Associatioun ASTI, déi 1979 gegrënnt gouf fir d’Rechter an Interesse vu Migranten ze verdeedegen, sicht Leit déi si bei hirem Projet „eng Sprooch online üben“ wëllen ënnerstëtzen. Dësen zielt drop of, mat engem Fräiwëllegen iwwert den Telefon oder de Computer eng Sprooch ze üben, an deementspriechend duerch Gespréicher ze léieren.

Déi nei Offer soll sech u Leit riichten, déi eng Sprooch nei kenneléieren. Esou kann de Wuertschatz verbessert ginn an anengems d’Vertrauen sech mëndlech auszedrécken, gefërdert ginn.

De Fräiwëllege soll sech am beschten eemol de Mount mam Sproochinteresséierten austauschen – iwwert alldeeglech Themen, Lëtzebuerg, d’Familljeliewen oder wat hinne soss nach op der Zong läit. D’Haaptsaach ass eng entspaant an onkomplizéiert Ëmgéigend. Mat der Zäit kann een sech da besser op Lëtzebuergesch, Franséisch, Englesch oder Däitsch ausdrécken, bekanntlech mécht Übung de Meeschter.

E weidere flotten Aspekt ass, datt een esou Mënsche mat ënnerschiddlechen, kulturellen Hannergrënn kenneléiert, déi hei zu Lëtzebuerg doheem sinn.

Dës virtuell Sproochaktivitéite kaschten näischt, d’Üben iwwer Telefon oder Computer ass ganz praktesch an huet e puer Virdeeler: Flexibilitéit, et muss een sech net deplacéieren, an et gi keng Sécherheetsmoossnamen ze berécksiichtegen.

D’ASTI sicht de Moment haaptsächlech Fräiwëlleger fir déi franséisch Sprooch, et gi vill Interessenten, déi hier Kenntnesser am Molière senger Sprooch wëlle verdéiwen. Och déi Lëtzebuergesch Sprooch ass vill gefrot.

Wann Dir Iech fir dëse Projet interesséiert, mellt Iech ënnert dëser E-Mail-Adress manon.zoetaert@asti.lu.

Weider Informatiounen fannt Dir op www.asti.lu.

Opmaacherbild: © Dylan Ferreira / Unsplash

Related topics ASTI, eng Sprooch online üben, Fräiwëlleger, Gespréich, Lëtzebuergesch, Migranten, Projet
Next post Previous post