Search

You may also like

Open-Source Noweis-Verfare fir Planzen aus neier Gentechnik
Kultur Neiegkeeten

Open-Source Noweis-Verfare fir Planzen aus neier Gentechnik

Greenpeace huet um Méindeg, zesumme mat aneren ONGen, Gentechnik-Fräi-Verbänn esou

Wéi gutt kenns du de Kanton Klierf?
Kultur Neiegkeeten

Wéi gutt kenns du de Kanton Klierf?

[onionbuzz quiz-id=59][/onionbuzz] Lëtzebuerg ass an 12 Kantonen agedeelt. An eiser

F91 vs Olympiakos: Eng „schwiereg“ Renconter
Kultur Neiegkeeten

F91 vs Olympiakos: Eng „schwiereg“ Renconter

Wann ee bedenkt datt e sëllechen „Experten“ den Olympiakos Piräus

„Bad Luck Banging or Loony Porn“ – D’Lëtzebuerger Koproduktioun raumt Präis of

„Bad Luck Banging or Loony Porn“ – D’Lëtzebuerger Koproduktioun raumt Präis of

De Spillfilm „Bad Luck Banging or Loony Porn“ vum rumänesche Regisseur Radu Jude huet um 5. Mäerz 2021 ee Gëllene Bier bei den 71. Berliner Filmfestspiller erhalen. De Präis fir de beschte Film éiert d’Lëtzebuerger Firma Paul Thiltges Distributions, déi zesumme mat Rumänien, der Tschechescher Republik a Kroatien fir d’Realisatioun vum Film zoustänneg waren.

De Paul Thiltges an den Adrien Chef hunn zesumme mat Studio Philophon an Espera Productions fir eng gelongen Postproduktioun, Toun a Spezial-Effekter gesuergt.

Lëtzebuerg ka feieren an houfreg sinn. Et ass déi éischte Kéier, datt eng Koproduktioun mat Lëtzebuerg de renomméierte Präis gewënnt. Esou gëtt den Triumph vun der artistescher Qualitéit vum europäesche Kino ervirgehuewen. Wien Loscht huet de Film ze kucken, kann dat gäre maachen. Am Kader vun de Lëtzebuerger Filmfestspiller, gëtt Bad Luck Banging or Loony Porn, den 10. Mäerz am Kinepolis gewisen. Ab dem 11. Mäerz ass e souguer an der Online-Versioun vum Festival disponibel.

Duerch déi aktuell sanitär Kris, gëtt et dëst Joer eng Ännerung op der Berlinale. Si gëtt an zwou Kéieren ofgehalen. Den europäesche Filmmaart an den offizielle Concours si vum 1. Mäerz bis haut, dem Dag wou d’Präisser vergi goufen, online ofgelaf.

An déi Filmer déi ee Präis ofgeraumt hunn, ginn der Ëffentlechkeet am Juni virgestallt. Si gi vum 9. bis den 20. Juni op engem speziellen Event virgestallt.

Ëm wat geet et am Film?

No engem Video, an deem eng Schoulmeeschtesch Sex mat hirem Mann hat, ruffen d’Eltere vun de Schüler eng Versammlung an. De Film ënnersicht déi intellektuell, moralesch a politesch Verwirrung vun onser Gesellschaft, zemools am post-totalitärem Ost-Europa.

Opmaacherbild: Opmaacherbild: Aus dem Spillfilm ‘Bad Luck Banging or Loony Porn’ © Silviu Ghetie for microFILM / Paul Thiltges Luxembourg

Related topics Bad Luck Banging or Loony Porn, Berlinale 2021, Gewënner, Lëtzebuerger Koproduktioun, Paul Thiltges Distributions
Next post Previous post