Search

You may also like

D‘Universitéit luet zum virtuellen Dag vun der oppener Dier an
Neiegkeeten

D‘Universitéit luet zum virtuellen Dag vun der oppener Dier an

Dëst Joer organiséiert d‘Universitéit zu Lëtzebuerg den Dag vun der

USA offizialiséieren Austrëtt aus Paräisser Klimaofkommes
Neiegkeeten

USA offizialiséieren Austrëtt aus Paräisser Klimaofkommes

Nodeems den Donald Trump am Juni 2017 dëse Schratt ugekënnegt

Als Client vun der POST dierfs de net presséiert sinn (e Kommentar)
Neiegkeeten

Als Client vun der POST dierfs de net presséiert sinn (e Kommentar)

Eng Cliente vun der POST (telecom) hat Enn Mäerz mëttels

Bei der ADR geséich een et gären, datt sech d‘CSV vun hirem „C“ trennt

Bei der ADR geséich een et gären, datt sech d‘CSV vun hirem „C“ trennt

Mam chrëschtleche Selbstverständnes, esou wéi dat d‘ADR gesäit, besonnesch wann et ëm de Schutz vum Liewen an der Dignitéit vum Mënsch geet, schéngt d‘CSV esou seng Schwieregkeeten ze hunn.

Eng Ausso déi sech dorops bezitt, datt den ADR-Deputéierte Fernand Kartheiser, bei der Debatt iwwert d‘Entwécklungshëllef eng Motioun deponéiert huet, mat där d‘Regierung opgefuerdert gëtt, Programmer ze ënnerstëtzen déi sech ëm de Schutz vum Liewen an der Gesondheet vun de Mammen an de Kanner am Ëmfeld vu Schwangerschaft a Gebuert beméien.

D‘Motioun fuerdert dann awer och, datt keng national oder international Programmer sollen ënnerstëtzt ginn, déi d‘Ofdreiwung guttheeschen. Zudeem hält d‘ADR an senger Motioun dru fest, datt d‘Rechter vun den Eltere bei demographesche Programmer an der Familljeplanung misste respektéiert ginn.

Fuerderungen, esou d‘ADR, déi aus de Länner deenen d‘Entwécklungspolitik zerguttst kënnt, selwer ze héieren ass. Gehéiert ginn ass datt awer net an der Chamber, wou wéi gewinnt, d‘Motioun vun der ADR verworf ginn ass.

Bei der ADR gesäit een et „sportlech“: „Déi lénks-ideologesch Parteien hu selbstverständlech géint d‘Liewen a fir d‘Ofdreiwung gestëmmt. Mee och d‘CSV huet dës Motioun verworf a weist domatter endgülteg, datt hir Spëtzt net méi weess wat den „C“ heescht a wat fir eng Verantwortung dat bedeit“.

Et geet ee bei der ADR esouguer nach ee ganz Schratt méi wäit. Esou gëtt féierende Vertrieder vun der CSV ënnerstallt, datt ee sech scho méi laang mam Gedanke géif droen, den „C“ duerch „Centrum“ ze ersetzen. Dat just well sech d‘CSV scho laang net méi fir chrëschtlech Wäerter asetzt.

Well net ka sinn wat net dierf sinn, fuerdert d‘ADR déi „Chrëschtlech Sozial Vollekspartei“ op, sech vun hirem „C“ ze trennen an domatter wéinstens d‘Konsequenzen aus hirem politesche Verhalen ze zéien. Op sech elo politesch eppes géif Ännere wann, et zukünfteg nach just „SV“ heescht, kann een elo nach un de Fuerderunge vun der ADR erkennen.

Bei de chrëschtlech-sozialen dierft ee wuel och éischter net iwwert d‘Propose vun der ADR nogeduecht hunn. Och wann ee sech sollt agestoen, datt d‘CSV scho reng aus Prinzip géint d‘Motiounen, Gesetzprojeten oder wat vum ADR soss nach virgeluecht gëtt, stëmmt. Den „C“ dierft eis also erhale bleiwen.

Related topics adr, CSV, Fernand Kartheiser
Next post Previous post