Search

You may also like

Moria-Aktioun: En Häerz fir d’Mënschen op der Insel Lesbos
Kultur Neiegkeeten

Moria-Aktioun: En Häerz fir d’Mënschen op der Insel Lesbos

Ufank September 2020 huet e Feier d’Flüchtlingslager Moria op der

Editorial: Se sinn nach do!
Kultur Neiegkeeten

Editorial: Se sinn nach do!

Eigentlech wollte mir de Moien erwächen an de Feierdag notze

D‘Grondsteier muss hire Beitrag géint d‘Präisexplosioun am Wunnberäich leeschten
Kultur Neiegkeeten

D‘Grondsteier muss hire Beitrag géint d‘Präisexplosioun am Wunnberäich leeschten

Kierzlech ass eng Delegatioun vum OGBL vun der Inneministesch empfaange

YASSI – dee mat Ofstand frëndlechste Portugis

YASSI – dee mat Ofstand frëndlechste Portugis

Et geet nees op Chrëschtdag zou, a vill Mënschen am Land hu sech scho fir dat drëtt Joer a Folleg ee Béieradventskalenner vu La Punta kaf. Haut da soll déi éischt Dier opgemaach ginn. Hannert dëser verstoppt sech de YASSI – ee klassesche Pils, an dësem Fall awer ee mat Charakter, a gebraut mat Ingredienten aus der biologescher Landwirtschaft.

Hiergestallt gouf de YASSI exklusiv fir La Punta vun der „Postscriptum Brewery“ zu Trofa (dat ass ee flott duerf a Portugal) an enger Brauerei, déi sech integral der Produktioun vun artisanalem Béier verschriwwen huet. De Chef hei, dat ass de Pedro Sousa. Deen ass eigentlech Ingenieur, mee zanter 16 Joer huet hien aus senger Passioun e Beruff gemaach, an dat war eng wierklech gutt Decisioun.

Frësch aus dem Frigo, Stopp erof an en Ament ootme gelooss, da mat Stil an ouni Hetz de gëllene Glanz vun engem aussergewéinleche Pils (Bio a Glutefräi) an d‘Glas lafe loossen. Gutt dat ass wuel keng zwéngend Viraussetzung, mee hannert all Dier steet nëmmen eng Fläsch, an ze zelebréiere gëtt et jo den Ament soss éischter wéineg. Denkt un d‘Schaumkroun, d‘Aen drénke bekanntlech mat.

Eng Saach wëlle mir op kee Fall verstoppen, an déi betrëfft den Numm an den d’Ausgesinn vun der Etikett: De YASSI-Béier ass dem Fils vum Luisa, der Gerante vu La Punta gewidmet. De Yasiel – esou heecht de Kärel eigentlech – ass passionéierten DJ zu Bologna a suergt ënnert dem Kënschtlernumm YASSI fir de richtege Beat bei de Partien.

Strikt no Rengheetsgebuet

An e Béier – an dat gëllt beim Pils besonnesch – gehéiert Happ, Malz, Hief a Waasser, zumindest wann ee sech un d‘Reegele vum Rengheetsgebuet hält. Richteg ass elo och, dat dëst Reglement keng Reegele fir den Ubau vum Happ virgëtt. Hei kéint eppes vill Planzeschutzmëttel an/oder vill Dünger genotzt ginn. Fir de YASSI ondenkbar, an och wann d‘Häerz gëlle glänzt, hien ass „gréng“.

Biologesch bis an déi lescht „Spruddel-Blos“… dat dréit enorm zum Goût vun dësem am Respekt vum „gewosst wéi“ gebraute Pils bäi. Seng ënnerschiddlech Geschmaachsnoute sinn wesentlech méi intensiv, wéi dat bei den industrielle Pils esou de Fall ass. Hien ass en éierleche Kadett deen et sech verdéngt huet genoss, statt geschott ze ginn; an ee coolen Ambassadeur vun der Braukonscht.

Zesumme mat enger Salzbretzel oder enger hausmaacher Schwaarzbroutschmier, déi dann awer mat guddem Schmant grousszügeg bestrach ass (Botter, Bio-Tomaten a Bio-Zwiwwele dinn et och) an et ass bal en Owesiessen. Mam YASSI huet een en agreabele Begleeder um Feierowend, ee wou et sech lount d‘Zäit fir ze genéissen ausgibeg ze notzen. Ideal an Zäite wou een néierens hin dierf…

Foto: © Shari Pleimelding / moien.lu

Related topics artisanale Béier, Béieradventskalenner, Bio-Pils, La Punta, Pedro Sousa, Postscriptum Brewery, YASSI
Next post Previous post