Search

You may also like

D‘Police huet d’Campagne „#CyberScams“ lancéiert
International Neiegkeeten WTF

D‘Police huet d’Campagne „#CyberScams“ lancéiert

Internet, eng Plaz déi vill als „rechtsfräie“ Raum betruechten, ass

Washington: Tëleerealitéit am Wäissen Haus
International Neiegkeeten WTF

Washington: Tëleerealitéit am Wäissen Haus

E Méindeg huet sech den Donald Trump, mir näischt, dir

surprise
Esch 2022: Eigentlech sollt et esou e flotte Projet ginn
International Neiegkeeten WTF

Esch 2022: Eigentlech sollt et esou e flotte Projet ginn

Politesch gewollt och kulturell um Holzwee? Beim Projet Esch 2022

surprise

Xavier Bettel: „Ech zeien en Europa mat zwou Vitessen engem Europa, dat stëll steet, vir“

Premierministere vu Lëtzebuerg an der Belsch hunn en Dënschdeg dem Emmanuel Macron hir Ënnerstëtzung zougeséchert. Deen ënnerhëlt am Ament eng Campagne géint de sozial Dumping an der EU. Mee hie setzt sech och  fir en Europa mat verschidde Geschwindegkeete an.

„Ech ënnerstëtzen a begréissen d’Virschléi vum franséische President, fir Direktiv iwwert d’Entsendegesetz ze stäerken“, esou de Xavier Bettel bei der gemeinsamer Pressekonferenz vun den dräi Staatscheffen. „Et muss een d’Hannerzéiung an de sozialen Dumping an allen Domäne bekämpfen“, esou de Premier weider, deen iwwerzeegt ass, datt een „Europa méi gerecht fir seng Bierger“ muss gestalten.

De Xavier Bettel ass dann och zouversiichtlech, datt een am Oktober „zu Bréissel hei en Accord“ erreeche kann. Hien ass gläichfalls averstanen op en Europa mat verschidde Vitessen ze setzen. Eng vun de Fuerderunge vum Emmanuel Macron. „Ech zeien en Europa mat zwou Vitessen engem Europa dat stëll steet, vir“, esou eise Premier.

Verschidde Formater

Virun de franséischen Ambassadeuren zu Paräis, hat de franséische President, schonn am Virfeld zum Besuch zu Lëtzebuerg, fir en „Europa mat verschidde Formater“ a gezu vun enger „Avant-Garde“ vu Länner déi „méi wäit goe wëllen“ an der Konvergenz vun hirer Wirtschaft a Politik.

„D’Wiel déi eis gestallt gëtt ass einfach: wëlle mir dem Splécke vun Europa nokucken an, no den Diskussiounen iwwert de Brexit, déi onweigerlech laang wäerte sinn, Gespréicher hunn, iwwert den Depart vun dem oder dem Staat; oder wëlle mir déi Generatioun sinn déi Europa nei opstellt? Mir dräi hunn eis fir dëse Wee entscheet“, esou den Emmanuel Macron un der Säit vu senge lëtzebuerger a belsche Partner.

De franséische President huet drun erënnert, datt „d’Euro-Zon an de leschte fënnef Joer, abegraff am schlëmmsten Ament vun der Kris, wou Europa ëm d’Iwwerliewe geziddert huet, sech net getraut huet, de Format Euro-Zon anzegoen“. Dëst mam Argument, datt e mat Groussbritannien a Polen kéint „Kaméidi“ kréien.

Mee „mir sinn haut do ukomm, hunn se eis et gedankt? Dat Gefill hunn ech net“, esou de Macron.

De belsche Premierminister Charles Michel huet sech och iwwerzeegt gesot, datt de Moment komm ass, fir „Europa eng Richtung“ ze ginn. Et wier dat d’Méiglechkeet dem europäeschen Dram e neien Elan ze ginn.

Wéi déi nei Richtung soll ausgesinn, a wéi eng Länner sech dem Projet „Macron“ nach gewëllt sinn unzeschléissen, dat war am Kader vun der Pressekonferenz net detailléiert ginn. D’Staatscheffe schéngen sech am Ament just eens ze sinn, datt et esou wéi et sech duerstellt net ka weider goen.

mat AFP

Related topics Belsch, Charles Michel, Emmanuel Macron, EU, Frankräich, Lëtzebuerg, Xavier Bettel
Next post Previous post