Search

You may also like

Hurrikan Florence: Éischt Affer an dausende Mënschen ouni Stroum
Kultur Neiegkeeten

Hurrikan Florence: Éischt Affer an dausende Mënschen ouni Stroum

Den ugekënnegten Hurrikan „Florence“, dee mëttlerweil zum „Tropestuerm“ erofgestuuft ginn

Preventiounstheater géint haislech Gewalt
Kultur Neiegkeeten

Preventiounstheater géint haislech Gewalt

De Ministère fir Gläichstellung tëscht Fraen a Männer sou wéi

Rietsradikaalt Netzwierk an Éisträich gestéiert
Kultur Neiegkeeten

Rietsradikaalt Netzwierk an Éisträich gestéiert

An Éisträich, mee och a Bayern hunn d‘Autoritéiten déi lescht

BisScène – Wann d’Sonn um Owend opgeet!

An dësem Joer huet sech d’Biissener Kulturkommissioun mam BisScène een neie kulturellen Highlight afale gelooss. Eng Kombinatioun aus gemitterlecher Atmosphär, latäinamerikanescher Musek a leckere Cocktailer hunn esou de perfekte Summerowend entstoe gelooss!

Bekannt ass d’Gemeng Biissen, déi am Zentrum vum Lëtzebuerger Land läit, natierlech fir de BisArt oder och mëttlerweil duerch de Google Daten-Zenter. Fir eng éischte Kéier huet ee sech am kulturelle Beräich net nëmmen un d’Konscht, mee och emol un de musikalesche Beräich gewot. D’Wiss Frounert war fréier eng beléift Plaz fir esou munch Duerffestivitéiten. Mat der Zäit ass dës attraktiv Plaz allerdéngs leider net méi genotzt ginn.

Déi nei Kulturkommissioun aus dem Duerf huet op déi al Traditioun zeréck gegraff a se mat neier Ambiance kombinéiert. Ab 20:00 Auer war hei – tëscht Liichterketten, Baamstämm fir ze setzen a motivéierte Visiteuren – mat Jazz-Musek vu BLANX agestëmmt ginn. Hir originell Stécker hunn dobäi een astëmmenden Optrëtt ervirbruecht, wou ee gären mat engem gudde Gliesschen nogelauschtert huet.

Viru gaangen ass et, knapp 2 Stonne méi spéit, mam Quartett vu Cubañol. Déi kubanesch Liewensfreed hu si mat traditionelle Stécker, sou wéi eegener Interpretatioun vu bekannten internationale Lidder, immens eriwwerbruecht. Mat feierege Rhythmen konnten déi meescht Leit net méi roueg setze bleiwen, sou datt si virun der Bühn gedanzt hunn oder och op hirer Bänk locker hin an hir gewibbelt hunn.

Wat eis positiv opgefall ass: Bei der Organisatioun huet een an déi nohalteg Richtung geduecht. Gedrénks ass am Glas oder nees benotzbarem Becher zerwéiert ginn. Wie wollt, dee konnt säi Cocktail esouguer aus enger Ananas drénken. Amplaz vum Schalimo aus Plastik huet een op d’Pabeier-Versioun zeréck gegraff, an och d’Iessen ass am Pabeier presentéiert ginn.

Fir eng éischt Editioun vum BisScène huet een mat dëser summerlecher Stëmmung voll an d’Schwaarzt getraff. Och am nächste Joer hoffe mir op ee weidert musikalescht Evenement!

Related topics Biissen, BisScène, Blanx, Cocktail, Concert, Cuba, Cubañol
Next post Previous post