BnL: 19.200 digital Jugendbicher si bäikomm!

D’Nationalbibliothéik vu Lëtzebuerg huet méi ewéi 19.200 Jugendbicher an däitscher, franséischer an englescher Sprooch an de Repertoire aus digitale Bicher opgeholl. Zu de bekanntste Wierker gehéieren: Dirt Diary Series, Fantastic Beasts, The Hunger Games, Malala’s Magic Pencil, Mein Lotta Leben, Tom Gates an Harry Potter.

Datt dës elektronesch Bicher dobäi komm sinn, ass duerch e Projet entstanen, deen Ufank Juli 2020 vum Ministère fir Bildung, Kanner a Jugend an der BnL lancéiert gouf. Dëse gouf Read-y genannt. D’Nationalbibliothéik verwalt d’Authentifizéierungsinfrastruktur an d’Zougrëffslizenzen.

Duerch dës nei E-Books erweidert sech déi breet Palette un Online-Ressourcen, déi d’Nationalbibliothéik hieren Notzer gratis zur Verfügung stellt.

• 595.000 E-Books Wësseschaftsbicher (Recht-,Natur-,Technologie-,Geescht a Sozialwëssenschaften)
• 163.000 E-Books vum Projet ebooks.lu (Romaner, Fräizäitbicher, Jugend)
• 77.800 wëssenschaftlech elektronesch Zeitungen
• 390 Datebanken

Wéi kritt Dir Accès?

Fir op dës Ressourcen zeréck ze gräifen, braucht Dir Iech just ze registréieren. D’Registréierung ass gratis a ka via Email op inscription@bnl.etat.lu ofgeschloss ginn.

Opmaacherbild © Perfecto Capucine / Unsplash