Search

You may also like

Waasserverschmotzung vun der Uelzecht: Ee weidere Fall gouf confirméiert
International Neiegkeeten

Waasserverschmotzung vun der Uelzecht: Ee weidere Fall gouf confirméiert

Gëschter Nomëtteg ass d’Ekipp vun der Waasserverwaltung (AGE) op een

Eng „anonym an explosiv“ Tribün an der New York Times veriergert den US-President
International Neiegkeeten

Eng „anonym an explosiv“ Tribün an der New York Times veriergert den US-President

No der Verëffentlechung duerch d‘New York Times vun enger Tribün,

Rock’n’Classics zu Beefort – De Programm 2019
International Neiegkeeten

Rock’n’Classics zu Beefort – De Programm 2019

An de vergaangene Joren huet de Rock Classics@Beaufort Castle an

Bolivien: Bëschbränn mobiliséieren e ganzt Land

Bolivien: Bëschbränn mobiliséieren e ganzt Land

Zanter Deeg ass Bolivien am Wiergegrëff vu massive Bëschbränn. Bis ewell hätten d‘Flame ronn eng Millioun Hektar Urwald zerstéiert. De Cliver Rocha vun der Forstverwaltung huet gëschter déi schwéier Aufgab iwwerholl d‘Situatioun ze beschreiwen.

An déi alles anescht wéi erfreelech. D‘Bränn hu sech mëttlerweil op enger Fläch vun 950.000 Ha ausgebreet an de Chiquitano Bësch wier zu engem Drëttel zerstéiert. Deen ass d‘Heemecht vun den indigene Vëlker. 1.871 Siidlunge vun den Urawunner si vun dëser Katastroph betraff.

BolivienWéi et heescht, sinn dës Bränn vu Kriminellen ausgeléist ginn, fir esou weider Agrarfläche fräi ze leeën. Eng Korrelatioun zu de Bëschbränn am brasilianeschen Amazonasgebitt léisst sech zudeem net ofstreiden. Brasilien huet ugekënnegt d‘Arméi zur Brandbekämpfung anzesetzen.

Bolivien

De bolivianesche President Evo Morales hat schonn e Freideg déi aner Länner aus der Amazonas-Regioun zu enger Krisesëtzung opgefuerdert. Den Ament huet Bolivien alles am Asaz wat d‘Land hir gëtt: Pompjeeën, Police, d‘Arméi an dausende Fräiwëlleger sinn am Dauerasaz.

Bolivien

Opname vum Satellit „Sentinel 5P“ (Copernicus-Project) weise wéi eng Auswierkungen eleng d‘Bëschbränn a Bolivien op de Klimawandel hunn.

Aus den USA gouf fir d‘Brandbekämpfung e sougenannte „Supertanker“ – dat ass Läschfliger vum Typ Boeing 747-400 – vun der „Global SuperTanker Services“ gechartert fir d‘Leit um Buedem ze ënnerstëtzen. Bis ewell awer konnt och den Asaz vum Fliger wéineg géint d‘Flamen ausriichten.

mat indymedia/ccs/bog/lax

Foto: © Gus

Related topics Amazonas, Bolivien, Brasilien, Ëmweltschutz, Evo Morales, Feier, Groussbrand, Jair Bolsonaro, Klima, NASA, Reebësch
Next post Previous post