Search

You may also like

„The boy is back in town“ – US-President nees am Wäissen Haus
Fail International Neiegkeeten

„The boy is back in town“ – US-President nees am Wäissen Haus

No dräi Nuechten am Walter Rees Militärspidol zu Bethesda, ass

Virtuell Studentefoire 2020: Däin Talent, deng Zukunft, däin Job
Fail International Neiegkeeten

Virtuell Studentefoire 2020: Däin Talent, deng Zukunft, däin Job

Wéi schonn am Juli ugekënnegt wäert déi 34. Editioun vun

Éischte Podium fir den Dylan Pereira am Porsche Carrera Cup Däitschland
Fail International Neiegkeeten

Éischte Podium fir den Dylan Pereira am Porsche Carrera Cup Däitschland

Déi zweet Manche vum Porsche Carrera Cup Däitschland ass dëse

dislike

Brexit: Hir Lordschafte stellen der britescher Regierung d‘Been

Brexit: Hir Lordschafte stellen der britescher Regierung d‘Been

Am „House of Lords“ ass fir d‘Bäibehale vun der EU-Charta vun de fundamentale Rechter gestëmmt ginn, wat fir déi britesch Regierung en zolitte Gesiichtsverloscht bedeit. De Vote, huet et am Zesummenhang mat der Iwwerpréiwung vun engem Gesetzestext zum Brexit ginn.

Dëse Gesetzprojet zum Réckzuch aus der europäescher Unioun, soll et Groussbritannien erlaben, normal ze funktionéieren, nodeems d‘Nuebelschnouer zur EU getrennt ass. Dee setzt der Virherrschaft vum europäesche Recht, iwwert dat nationaalt britescht Recht, en Enn an organiséiert d‘Transpositioun vun den europäesche Reglementatioune.

Hir Lordschaften hu mat 316 fir zu 245 dergéint, en Amendement gestëmmt, dee vun der Oppositioun gestëtzt ginn ass, a festhält, datt d‘Charta vun de fundamentale Rechter an der EU, an déi britesch Legislatioun muss afléissen. E Vote deen als Blamage fir d‘Regierung gewäert gëtt.

Moralesch an ethesch Verantwortlech?

Ee vun de Verdeedeger vum Amendement, de Lord Pannick, huet deklaréiert, datt eng gewëssen Unzuel un europäesche Rechter aus der nationaler Legislatioun auszeschléissen, de falsche Wee ass. Domatter schaaft een Onsécherheet, an et wier e Broch mat der Kontinuitéit, deen eenzeg fir e grousst „Duerchenaner“ nom Brexit géif suergen.

Deem géinteniwwer steet d‘Ausso vum fréiere Riichte vum ieweschte Geriichtshaff, Lord Brown of Eaton-under-Heywood. Deen ass iwwerzeegt, datt d‘Bäibehale vun der Charta vun de fundamentale Rechter, dat schlëmmst wier, war ee Groussbritannien kann undoen.

Wann et bis domm leeft…

Fir de Chef vun de „Lib-Dem“ (liberal Demokraten) déi pro-europäesch opgestallt sinn, huet matgedeelt, datt wieder d‘Charta ze benotzen „der Welt géif beweisen, datt mir eis nach ëmmer den héchsten Normen a punkto Mënscherechter, an de Prinzipien, esou wéi se an der Charta definéiert sinn, unhuelen“.

De leschte Mëttwoch schonn, hat d‘House of Lords der Premierministesch Theresa May den Dicks gebéit, wéi si en Amendement gestëmmt hunn, mat deem de Regierungsprojet fir d‘Verloosse vun der Zollunioun, ëmgehäit ginn ass.

Wéi een esou kann a muss feststellen, ass een sech „intern“ bei de Konservativen alles anescht ewéi eens, wann et ëm de Brexit geet. Nom „check“ duerch hir Lordschaften, muss den Text nach emol den Deputéierte virgeluecht ginn. Déi haten dësen awer schonn am Januar ugeholl, an et dierf ee gespaant sinn, wéi se dee Spagat wëllen hikréien.

mat AFP

Related topics Brexit, Groussbritannien, Lord Brown of Eaton-under-Heywood, Lord Pannick, Theresa May
Next post Previous post