Search

You may also like

En éisträichesche Pass fir seng däitschsproocheg Bierger veriergert Italien
Kultur Neiegkeeten

En éisträichesche Pass fir seng däitschsproocheg Bierger veriergert Italien

Den italieneschen Ausseminister huet um Freidegowend e Projet vu Wien

Coronavirus: D‘Amerikaner stinn net op Schäisspabeier
Kultur Neiegkeeten

Coronavirus: D‘Amerikaner stinn net op Schäisspabeier

Amerika, datt Land wou de Waffebesëtz verfassungsrechtlech gereegelt ass, huet

De Mars di Bartolomeo Kritt d‘Joresversammlung vun der OSZE op Lëtzebuerg
Kultur Neiegkeeten

De Mars di Bartolomeo Kritt d‘Joresversammlung vun der OSZE op Lëtzebuerg

Als President vun der lëtzebuergescher Delegatioun, huet de Chamberpresident Mars

Buchpresentatioun vun “Arthur und die Farben des Lebens”

Buchpresentatioun vun “Arthur und die Farben des Lebens”

Schonn eleng de Buchcover vun “Arthur und die Farben des Lebens” (Verlag C. Bertelsmann) huet mech virwëtzeg op d’Geschicht gemaach, ech hätt et am léifsten ausgemoolt. Faarwe spillen eng grouss Roll am Buch. Wat wär eis Welt ouni Faarwen? Zimlech traureg, oder? Si verschéineren a verzauberen alles. Ma wat geschitt, wann se verschwannen, gëtt de Lieser an dësem Buch gewuer. Et kéint e soen, dass et e Mäerche fir Erwuessener ass, ausserdeem léiert een nach sou munches iwwert d’Bedeitunge vun de Faarwen.

Eis Personnagë sinn den Arthur, deen e Sëffer ass, dat blannt Charlotte, wat Faarwe gären huet, och wann hatt se net méi gesäit, säi Meedchen an nach sou munch anerer. Souguer eng lëschteg Gesellschaft an engem Altersheem ass mat vun der Partie.

Am Ufank vun all Kapitel gëtt et eng kleng Illustratioun. D’Schreifweis ass fantastesch. Poetesch a voller Biller. Den Auteur kritiséiert, dass an eise Liewen dacks schwaarz, gro oder wäiss dominéieren. Mat sengem wonnerbaren Humor wëll en eis drop opmierksam maachen, dass mir faarweg Schéinheeten nees méi bekucken a respektéiere sollen. Se wäertschätzen.

Faarwe suerge fir Glécksgefiller, alles anescht géing op Dauer depriméieren! Däischteres zitt negativ Energien un.

Arthur

© Jess Bailey / Unsplash

Den Arthur ass en Pechvillchen, hien huet alles verluer, wat ëm wichteg ass. Trotzdeem war e mir sympathesch,  seng Aarbecht an der Fabrick huet bestëmmt Spaass gemaach. D’Charlotte a säi Meedchen sinn och interessant,  zemools well d’Charlotte nach ni gesinn huet. Et ass faszinant, wann hatt erkläert wéi hatt d’Faarwen empfënnt. Do muss den Auteur gutt recherchéiert hunn.

Ech fannen, Dir musst des Protagonisten selwer kenneléieren an hinnen bei hiren Erliefnisser iwwert d’Schëllere kucken. Et wäert Iech net leed doen, loosst Iech vun der Magie ofhuelen. Ech war begeeschtert – d’Buch ass Medezin fir d’Séil a montert Iech op! Et gëtt erëm hell, zemools wann een et am mannsten erwaart …

Opmaacherbild: © Jessica Mersch / de Bichergeck

Related topics Arthur und die Farben des Lebens, Buchpresentatioun, de Bichergeck, Faarwen, Literatur, Mäerchen, Pechvillchen, Poesie
Next post Previous post