Search

You may also like

Kollektivvertrag bei Hifi International Verlängert
International Neiegkeeten

Kollektivvertrag bei Hifi International Verlängert

Den OGBL als „Porte-Parole“, den LCGB an d‘Direktioun vun Hifi

Dräi Kaperole vereedegt
International Neiegkeeten

Dräi Kaperole vereedegt

En Donneschdeg goufen um Härebierg dräi Beruffszaldoten am Grad vum

D‘Batterie ass dem Elektroauto seng grouss Schwächt. Mee zu Lëtzebuerg gouf eng méiglech Léisung fonnt
International Neiegkeeten

D‘Batterie ass dem Elektroauto seng grouss Schwächt. Mee zu Lëtzebuerg gouf eng méiglech Léisung fonnt

Onerwaarte Situatiounen sinn ëmmer geféierlech am Stroosseverkéier. Mee stellt iech

Bundesregierung stëmmt Eckpunkte vum Klimaschutzpak zou

De Programm gëtt trotz allem kritiséiert firwat Ëmweltministesch Ännerungsvirschléi zouléisst

Bundesregierung stëmmt Eckpunkte vum Klimaschutzpak zou

Leschte Freideg war de Klimaschutzprogramm virgestallt ginn, an d‘Eckpunkte vun dësem Pabeier hu gëschter d‘Zoustëmmung vun der Bundesregierung erhalen. An dësem Klimaschutzpak sinn déi Moossnamen opgelëscht, mat deenen Däitschland „seng“ Klimaziler bis 2030 erreeche wëll. 54 Milliarden Euro dierf et kaschten, während d‘Oppositioun, Ëmweltverbänn a Patronat kritiséieren.

D‘Ëmweltministesch Svenja Schulze wier net géint Virschléi säitens dem Bundesrat, huet awer nees de Plang vun der Bundesregierung verdeedegt. Deen hätt – wéi esou villes op dëser Welt – sécher kënne méi komplett sinn, woubäi jo awer schonn zolidd Fortschrëtter enthale sinn. Interessant zum Beispill déi nei Verbindlechkeet hisichtlech den Ziler déi sech déi grouss Koalitioun gesat huet.

Fir de Finanzminister Olaf Scholz gëtt mat dësem Klimaschutzpak de Fuerderunge Rechnung gedroen, déi am Virfeld gestallt goufen. Esou wiere bis 2023 Investitioune vun iwwer 54 Milliarde virgesinn. Bis 2030 héichgerechent, sollt een hei vum eng Betrag iwwert 150 Milliarden Euro ausgoen. Kléngt gutt, geet awer wéi et ze erwaarde war, ville Kregéiler nees net wäit genuch.

Geféierlech Argumentatioun

Wann et sécherlech richteg ass, datt een och dee schéinste Klimapak ëmmer nach verbessere kann, esou ass et net manner richteg, datt Politik eege Gesetzer huet, an ee fir d‘éischt „sech“ wëll an Zeen setzen, iert een engem Programm eppes Positives an der Ëffentlechkeet kann ofgewannen. A genee dat maachen déi „die Grünen“, wéi et den Anton Hofreiter nees enger Zeitung erzielt huet.

Hie fuerdert vun der Bundesregierung net manner, wéi d‘Virlag vun engem „echte“ Klimaschutzpak deen der Gréisst vun der Erausfuerderung gerecht sollt ginn. Géifen si zu Berlin dëser Fuerderung awer nokommen, geroden si un de Christian Lindner (FDP) dee verséchert huet, datt sollt Berlin un de Wënsch vun de gréngen „Uschloss fannen“ si am Bundesrat d‘Beschlëss net méi matdroe géifen.

Dat gefält dem Wirtschaftsminister Peter Altmaier esou guer net a warnt béid Parteien. D‘Gesetzer aus politeschem Kalkül ze blockéiere géif um Enn nëmme bedeiten, datt et statt méi, dann e bëssi manner Klimaschutz gëtt. Wa si bereet sinn dat ze veräntwerten, sollten si dat oppen ausschwätzen. Falls net, sinn se häerzlech agelueden sech engem nationale Klimakonsens unzeschléissen.

mat indymedia/ber

Illustratioun: Gerd Altmann / Pixabay

Related topics Anton Hofreiter, Bundesregierung, Christian Lindner, Klimaschutzpak, Olaf Scholz, Svenja Schulze
Next post Previous post