CGDIS: Brand an engem Eefamilljenhaus zu Uewersyren

Gëschter Moien sinn d’Asazkräft vum CGDIS op Uewersyren geruff ginn. En Eefamilljenhaus stoung a Brand. Eng Persoun gouf mat der Ambulanz an d’Spidol bruecht.

No der Arrivée op der Plaz huet de Pelotonschef misse feststellen, datt um zweete Stack vum Gebai eng Matrass um brenne wier. D’Pompjeeën hunn mat Otemschutz géint d’Feier, dat sech schonn weider iwwert d’Etage ausgebreet hat, ugekämpft. Duerch e séiert Agräifen konnte sech d’Flamen net bis bei den Daachstull eropschaffen.

Wéinst dem Verdacht op Dampvergëftung huet eng Persoun misse vum First Responder betreit an uschléissend mat der Ambulanz an dem SAMU fir eng Kontroll an d’Spidol gefouert ginn.

Den Asaz huet ronn eng Stonn gedauert.

Fotoen: © CGDIS