Search

You may also like

Politiker geréit a juristesch Turbulenzen an zitt d‘Handbrems
Kultur Neiegkeeten

Politiker geréit a juristesch Turbulenzen an zitt d‘Handbrems

D‘Virwërf géint de gréngen Député-Maire vun Déifferdeng schéngen hir Berechtegung

Verhalensreegelen am Stau
Kultur Neiegkeeten

Verhalensreegelen am Stau

Vun Abréch an enger brennender Wunneng wärend de Feierdeeg
Kultur Neiegkeeten

Vun Abréch an enger brennender Wunneng wärend de Feierdeeg

Wéi d’Police matdeelt huet et och iwwert d’Feierdeeg am Land

„Clin d’oeil du médecin“ – D’Foto-Ausstellung vun Dokteren

„Clin d’oeil du médecin“ – D’Foto-Ausstellung vun Dokteren

Gëschter huet um Knuedler de Vernissage vun der Foto-Ausstellung „Clin d’oeil du médecin“ stattfonnt. D’Expo dobaussen, déi d’Dokteren an d’Personal vum CHL éiert an hiren Engagement wärend der Pandemie ervirhieft, kann nach bis Ufank 2020 bewonnert ginn.

Zesumme mam Stater Schäffen- a Gemengerot, sou wéi dem Dr. Romain Nati, Generaldirekter vum CHL an der Dr. Martine Goergen, medezinesch Direktesch beim CHL konnten déi ausgestallte Fotoen offiziell ageweit ginn. Gewise ginn verschiddenst Andréck, faarweg a monochrom, déi vun Dokteren aus dem CHL opgeholl gi sinn.

Clin d'oeil du médecin

© VDL Fotothéik / Charles Soubry

Nieft hirer Aarbecht am Spidol weise si en Don an der Fotografie op, presentéieren duerch Opname vun Landschaften, Déieren, Zeenen aus de Stater Stroossen oder Ähnlechem, wat si interesséiert a wéi si d’Welt duerch d’Lëns gesinn.

Den Dr. Fernand Pauly erkläert, datt dës Variatioune vun den Usiichten a Bléckwénkel och an der Klinik nëtzlech sinn, esou zum Räichtum vum Beruff bäidroen. „De Medeziner, sou wéi de Fotograf, beherrscht säin Equipement mee ni säi Sujet: Hie geet lues virun an notz dobäi d’Viséier vum Apparat fir sech op dat Wesentlecht ze konzentréieren.“

Ausgestallt ginn d’Wierker vu folgende Medeziner:

  • Dr Romain Nati, Generaldirekter vum CHL
  • Dr Martine Goergen, medezinesch Direktesch vum CHL
  • Dr Axel Urhausen, Spezialist an der Sportsmedezin
  • Dr Vincent Lens, Spezialist an der Radiologie
  • Dr Jan Koy, Spezialist an der Neurochirurgie
  • Dr Fernand Pauly, Kannerdokter, Dokter an der funktioneller Rehabilitatioun
  • Dr Jean-François Wilmart, Spezialist an der Urologie
  • Dr François Backes, Spezialist an der Traumatologie
  • Dr François Philippe, Spezialist an der Kardiologie

Opmaacherfoto © VDL Fotothéik / Charles Soubry

Related topics Andréck, Ausstellung, CHL, Clin d'oeil du médecin, Dokteren, Expo, Fotografie, Knuedler, Medeziner
Next post Previous post