Search

You may also like

Italien: Euroskeptiker iwwerhuelen d‘Muecht
Money Neiegkeeten

Italien: Euroskeptiker iwwerhuelen d‘Muecht

Italien, déi drëtt Wirtschaftskraaft an der Eurozon, wäert haut säi

Pedophilie an der Kierch: Dee Schlechte vu Lyon
Money Neiegkeeten

Pedophilie an der Kierch: Dee Schlechte vu Lyon

Säit e Méindeg stinn am Frankräich eng Rei „héichrangeg“ Kierchemänner

D‘Mënschewierd vun de Locatairen och an der Kris garantéieren
Money Neiegkeeten

D‘Mënschewierd vun de Locatairen och an der Kris garantéieren

De „Mieterschutz Lëtzebuerg“ hat et sengerzäit begréisst, datt d‘Regierung beschloss

money

CNFP: Recommandatioune sinn nëmmen da gutt wann een se unhëlt

CNFP: Recommandatioune sinn nëmmen da gutt wann een se unhëlt

Um Méindeg huet den CNFP (Nationalrot fir ëffentlech Finanzen) de Medien an Abléck an d‘Evaluatioun vun den ëffentleche Finanze ginn, a gläichzäiteg iwwert seng Recommandatioune matgedeelt. Datt dem CNFP net ëmmer dann déi Donnéeë virleie wann e se bréicht, ass dann och net den eenzege Problem.

De leschte Mount hat den CNFP dann och schonn seng Evaluatioun zu der laangfristeger Nohaltegkeet vun den ëffentleche Finanze virgeluecht. Am grousse ganzen, an am Bezuch och d‘Daten déi fir eng uerdentlech Evaluatioun néideg sinn, kann ee parallelle mam Budget 2018, an och dem Gesetz zu der Programmatioun fir de Pluriannuell (LPFP) vun 2017/21 gesinn.

Den CNFP-President Yves Nosbusch huet dann awer emol drop higewisen, datt et mat der Regierung zu enger Konventioun komm ass, an där endlech festgeluecht konnt ginn, wéi eng Informatioune wéi schnell iwwermëttelt ginn. Wann et elo dann nach méiglech wier, esou wéi scho länger recommandéiert, de Budget-Pluriannuell vum Joresbudget ze trennen, da kéint sech besser op déi verschidde Punkte konzentréieren.

Dat engt am Fréijoer, datt anert am Hiecht

Géif een den LPFP op d‘Fréijoer virzéien, esou géif een hei mat engem aktualiséierte makroekonomeschen Zeenario kënne schaffen, deen de Virdeel hätt koherent ze sinn wann en an der Chamber virgeluecht gëtt. Onglécklecherweis, esou d‘Informatioun, wier dat „technesch“ net ze maachen, an esou verhält et sech datt een och am Fréijoer 2018 de Programm iwwert d‘Stabilitéit an de Wuesstem kritt, an den LPFP nees am Hiecht.

Wat een dann nach vun de Previsioune soll halen, ugesicht der Tatsaach, datt déi Zuelen esou net méi mat der Aktualitéit iwwerenaner stëmmen, dat erschléisst sech engem da kaum nach. Et ass sécherlech elo net esou, datt alles „falsch“ wier, mee der Aktualitéit esou wéi et sollt méiglech gëtt net entsprach.

Verdäitlecht gesäit dat dann esou aus: déi Zuelen déi sech dem Wuesstem vun de Joren 2017 an 2018 unhuele sinn fir de November aktualiséiert, déi fir d‘Joren 2019 bis 2021 stamen awer nach aus dem Fréijoer. Dat mécht et natierlech deene schwéier, vun deenen een erwaart, datt se engem eng plausibel Evaluatioun virleeën. Fir den Yves Nosbusch eng net ganz „kohärent Approche fir de makroekonomeschen Zeenario auszestellen“.

D‘Zuele sinn net esou schlecht

Wann en dann elo wéilt unhuelen, datt sech kuerzfristeg eppes Gravéierendes bei den Zuele géif doen, esou muss een awer feststellen, datt deem net esou ass. De Wuesstem fir 2017 bleift bei 2,7%, 2018 soll deen op 3,7% klammen. Fir 2019 ass ee weiderhin optimistesch, mee schonn 2021 léisst sech eng Baisse op 1,9% feststellen.

Bei méi geneeër Betruechtung an ënner Berécksiichtegung, datt déi Reell Zuelen zum Wuesstem hu missen no ënne korrigéiert ginn, huet den CNFP Schwieregkeeten eng entspriechend Korrektur bei de Recetten ze erkennen. Dat bedeit am Endeffekt, datt d‘Institutioun déi och den Impakt vun der reeller Baisse soll feststellen, beschtefalls eng „Undeitung“ ka maachen. D‘Regierung ass also gefuerdert. Zukünfteg dësen „Impakt“ ze quantifizéieren.

De mëttelfristege budgetären Objektiv (OMT) gëtt dann awer respektéiert, an dat soll och bis 2019 esou bleiwen. Fundéiert gëtt déi Ausso um Fait, datt d‘Baisse op -0,5% vum BIP, sech op d‘Hypotheese bezunn huet, datt een zu Lëtzebuerg bis 2060 1,14 Millioun Awunner hätt. Et gëtt da vum CNFP recommandéiert sech vum Grenzwäert vun -0,5% um strukturelle Saldo ewech ze halen. Zumindest wann et d‘Zil ass de Plafong vun der Verschëldung ënner 30% vum BIP ze halen. Den Yves Nosbusch réit dann och zur Virsiicht, wëll et ausgesäit, wéi wann d‘Investissementer ënnerbewäert wieren, ugesicht engem Wuesstem vun 2,9%.

Next post Previous post