Search

You may also like

Neies vum Brexit: Elo awer eng Trennung ouni Ofkommes?
Neiegkeeten Stories

Neies vum Brexit: Elo awer eng Trennung ouni Ofkommes?

Groussbritannien ass zolidd vun der Covid19-Pandemie betraff a kaum ee

money
Prognose: Lëtzebuerger Sozialversécherungssystemer ze deier, seet den CNFP
Neiegkeeten Stories

Prognose: Lëtzebuerger Sozialversécherungssystemer ze deier, seet den CNFP

De nationale Rot fir ëffentlech Finanzen (CNFP) huet bei senge

moneysurprise
Editorial: Lëtzebuerger Geriicht hält de Becca fir Kriminell
Neiegkeeten Stories

Editorial: Lëtzebuerger Geriicht hält de Becca fir Kriminell

De Lëtzebuerger „Financier“ a grousse Gënner vum ronne Lieder, Flavio

De butzege Secret aus der Béierhaascht

De butzege Secret aus der Béierhaascht

Kuerz virum drëtten Advent verstoppt sech an eisem Adventskalenner de butzege Secret aus der Béierhaascht. Rieds ass vum Béierlikör, dee vum Braumeeschter Guy Majerus an der Brasserie Meyer zu Käerjeng, mat vill léift hiergestallt gëtt. Fir dësen hierzestelle gëtt en helle Béier als Grondlag ausgewielt, well deen eppes manner Batterstoffer huet.

Den Detail vum „wéi“ dëst erquicklecht Gedrénks hiergestallt gëtt, deen dierfe mir iech leider net verroden, wat och Sënn mécht, well bis ewell ass de Guy deen eenzege vun deem mir wëssen, datt hien eis esou eppes Schmeechelhaftes op den Dësch stelle kann. Et ass e gellege Pleséier sech dee Béierlikör zu Gemitt ze féieren. En idealen Digestif, wann engem duerno ass de Besuch ze iwwerraschen.

Et kann een de Béierlikör gutt kill oder bei Zëmmertemperatur genéissen. Dat ass u sech eng ganz perséinlech Entscheedung, an bei eis geet déi zimlech ausenaner. A mir hunn dëse wierklech gudde Likör op all erdenklech Aart a Weis probéiert. Natierlech hu mir en emol einfach esou gedronk, mat der Gedold war et am Ufank schwiereg, an e schmaacht och nach esou gutt…

Béierhaascht

E Familljebild, datt dem Béierlikör vun der Brasserie Meyers seng Hierkonft bestätegt. Et ass e wierklech gelongene Produit, deen all d‘Facette vun der Braukonscht a sech dréit. © Martine de Lagardère/moien.lu

Wien sech elo awer gäre mat Kachen a Brachen ofgëtt, deem sief gesot, datt dem Guy seng Potioun esouvill magesch Kraaft besëtzt wéi dem Druid säin Zaubertrank. Wien een et gären defteg huet, sollt ee wëssen, datt de Likör mat Hunneg zu enger liichter Crèm ugeréiert, eng wonnerbar Marinad ergëtt. Mir hunn déi un engem Poulet ausprobéiert, an dësen Test huet se all iwwerzeegt.

Mee de Béierlikör vun der Béierhaascht kann och op „séiss“ maachen. Mir hunn mam Likör eng Rei Chrëschtdagskichelcher gebak, Uebst iwwert d‘Nuecht dragezappt, an ons och soss net wierklech Limitte gesat. D‘Resultat war esou erstaunlech wéi iwwerzeegend, an dëse Produit aus Lëtzebuerg huet bei eis ee ganz besonnesche Stellewäert erhalen. Dat kann dru leien, datt mir beim Baken och ëmmer nees hunn dierfe schmaachen…

Foto: De butzege Secret aus der Béierhaascht mécht sech gutt um Beemchen, als Digestif nom Iesse beschléisst e Frëndschaften, an e kann sech esouguer an de Kichen nëtzlech maachen. Dem Guy Majerus säi Béierlikör ass eng Allzweckwaff „Made in Luxembourg“ © Shari Pleimelding/moien.lu

Related topics Adventskalenner, artisanale Béier, Beierhaascht, Béierlikör, Craft Beers, Guy Majerus, Käerjeng
Next post Previous post