Search

You may also like

money
De STATEC befaasst sech mat engem Mythos (Kommentar)
International Neiegkeeten

De STATEC befaasst sech mat engem Mythos (Kommentar)

Natierlech huet et zu Lëtzebuerg déi 1% wou sämtlech Statistike

What the Fakt – de weltwäiten Dag géint Tuberkulos
International Neiegkeeten

What the Fakt – de weltwäiten Dag géint Tuberkulos

Wéi all Joer gëtt um 24. Mäerz den internationalen Dag

CGDIS: Keen huet behaapt et géif einfach ginn
International Neiegkeeten

CGDIS: Keen huet behaapt et géif einfach ginn

Am Dezember huet den Deputéierte vun de Piraten, Sven Clement,

US-Sanktioune géint de spirituelle Leader vum Iran

UN-Sécherheetsrot berifft Sonnersëtzung an, a fuerdert d‘Konfliktparteien zum Dialog op

US-Sanktioune géint de spirituelle Leader vum Iran

En hat et annoncéiert an huet et och gemaach: Den US-President huet nei Sanktioune géint den Iran an d‘Wee geleet an eng entspriechend Verfügung ënnerschriwwen. Déi nei Sanktioune géifen sech besonnesch géint den Ajatollah Ali Khamenei an säin direkt Ëmfeld wennen.

Am Sträit tëscht den USA an dem Iran léisst den Donald Trump net labber. Laut dem Milliardär, ass den Iran, dem hien ënnerstellt am Golf vun Oman Uelegtanker ugegraff a sabotéiert ze hunn, drop aus d‘Regioun ze destabiliséieren. Dat aggressiivt Verhale géif vun de Revolutiounsgardisten ausgoen, déi direkt dem Ali Khamenei ënnerstallt sinn. Kredibel Beweiser gëtt et den Ament keng.

Iran

Mee d‘Amerikaner hunn net nëmmen de geeschtleche Leader um Schierm. Och den Ausseminister, Mohamed Dschawad Sarif soll „sanktionéiert“ ginn. Dat zumindest huet de Finanzminister Steven Mnuchin ugekënnegt. Hien hätt en entspriechenden Optrag vum Donald Trump erhalen. Et soll de Betraffenen den Zougang zu finanzielle Ressourcen erschwéiert bis onméiglech gemaach ginn.

Wirtschaftsterrorismus?

Op de Vereenten Natiounen huet den iraneschen Ambassadeur d‘Sanktioune mat „Wirtschaftskrich“ a „Wirtschaftsterrorismus“ ëmschriwwen. Bei der Sonnersëtzung vum UN-Sécherheetsrot huet den Takht Ravanchi op e neits bekräftegt, datt déi vun de Revolutiounsgardisten ofgeschossen US-Dron iwwert iraneschem Gebitt war. Hien huet seng Ausso mat der Virlag vu Radarbiller ënnermauert.

Iran

Am Kontext vun dëser Sëtzung sinn d‘Konfliktparteien opgefuerdert ginn, Gespréicher opzehuelen an eng Eskalatioun ze ënnerloossen.“Et musse Moossnamen ergraff ginn, déi d‘Spannungen an der Golfregioun ofbauen“, esou de Standpunkt op deen sech d‘Membere vum UN-Sécherheetsrot dann eenege konnten. E Konflikt am Golf vun Oman wier eng Bedreeung vun der Energieversuergung…

Iran

Et ass schwiereg an dësem Sträit, déi duerchaus berechtegt US-Fuerderunge géintiwwer dem Iran – am Bezuch op den Atomprogramm an den Ausbau vu ballistesche Rakéiten – an de Wëlle vum US-President, de Regime vun Teheran ze stierzen, auserneenzehalen. Et geet natierlech och ëm Pëtrol, d‘Bezéiung mat Saudiarabien an Israel, an indirekt ëm de Biergerkrich am Jemen. À suivre…

mat indymedia/was/nyc

Related topics Ali Chamenei, Donald Trump, Iran, Konflikt, Petrol, Regimewiessel, UN-Sécherheetsrot, USA
Next post Previous post