Search

You may also like

Mexikanesch Regierung setzt Zaldote géint Migranten an
Neiegkeeten

Mexikanesch Regierung setzt Zaldote géint Migranten an

Nodeems den US-President annoncéiert huet, den Import vun alle Wueren

Éischte Mosel Clean Up – 40 Fräiwëlleger hunn d’Ufer vun Offall befreit
Neiegkeeten

Éischte Mosel Clean Up – 40 Fräiwëlleger hunn d’Ufer vun Offall befreit

E Samschdeg hu sech zuelräich Fräiwëlleger zu Gréiwemaacher zesummefonnt, fir

En Aarbechtsgrupp, dee Froen opwërft
Neiegkeeten

En Aarbechtsgrupp, dee Froen opwërft

D‘Lëtzebuergescht huet sech a leschter Zäit zu engem beléiftene Sujet

De SYVICOL huet Fuerderungen

De SYVICOL huet Fuerderungen

Bei senger Sëtzung vun e Méindeg, huet de Syndikat vun de Stied an de Gemengen (SYVICOL), eng Stellungnam géintiwwer de politesche Parteien, déi sech grad a Koalitiounsgespréicher befannen, ugeholl.

De Syndikat appelléiert déi zukünfteg Regierung, d‘Perspektive vun de Gemengen zu verschiddene Sujeten ze berécksiichtegen.

Gefuerdert gëtt beispillsweis d‘Institutionaliséierung vun enger systematescher a formaliséierter Consultatioun vum Gemengesecteur, deen duerch de Syndikat vertruede gëtt. Dat fir datt och d‘Gemengen, am selwechte Sënn wéi d‘Beruffskummeren, hire Standpunkt kënne geltend maachen.

De SYVICOL geséich et och gären, datt déi zukünfteg Regierung eng Reform vum Gemengegesetz an d‘Wee leet, an esou d‘Autonomie vun de Gemenge gestäerkt gëtt. Dat wier néideg, fir de Gemengen d‘Méiglechkeet ze ginn, hir Organisatioun an de Fonctionnement ze moderniséieren.

Et gëtt ënnerstrach, datt déi administrativ Vereinfachung an d‘Digitaliséierung, eigentlech esou eng Mesure onëmgänglech maachen.

Mee de Syndikat huet net nëmme Fuerderungen. Esou huet de SYVICOL der zukünfteger Regierung hir Ënnerstëtzung ugebueden, fir d‘Promotioun vun de fräiwëllege Gemengefusioune matzedroen. Et gëtt esouguer e legale Kader fir eng „gestäerkten Zesummenaarbecht“ proposéiert.

Et wier, esou de SYVICOL, de beschte Wee fir d‘Gemengen zu enger Zesummenaarbecht ze beweegen, déi hinne laangfristeg eng Aussiicht op Fusioun erméiglecht.

Related topics Autonomie, Gemengefusiounen, Koalitioun, Regierung, Syvicol
Next post Previous post