Search

You may also like

Weltkriibsdag: All Joer kréien ëm 3.000 Mënschen d’Diagnos
Neiegkeeten

Weltkriibsdag: All Joer kréien ëm 3.000 Mënschen d’Diagnos

Zu Lëtzebuerg erhalen ëm 3.000 Mënschen pro Joer d’Diagnos, dass

Justizreform a Polen ass net Rechtméisseg
Neiegkeeten

Justizreform a Polen ass net Rechtméisseg

Mat hirer ëmstriddener Justizreform huet déi ultrakonservativ polnesch Regierung keng

Blummewise fir den urbane Raum: Projet zur ekologescher Opwäertung vu Gréngflächen
Neiegkeeten

Blummewise fir den urbane Raum: Projet zur ekologescher Opwäertung vu Gréngflächen

De Weltbiodiversitéitsrot huet a sengem Bericht vum Mee 2019 festgehalen,

De Xavier Bettel huet vun Estland fir besonnesch Verdéngschter en Uerde kritt

De Xavier Bettel huet vun Estland fir besonnesch Verdéngschter en Uerde kritt

Eise Premierminister, ass um Méindeg vum estneschen Ausseminister Sven Mikser, mam Uerden „Kräiz vun Terra Mariana“ ausgezeechent ginn.

Eng Éier fir de Xavier Bettel, well den Uerden ass déi prestigiéist Auszeechnung déi engem Auslänner kann zougestane ginn. Se ass zudeem deene virbehalen, déi dem Land besonnesch Déngschter erwisen hunn. Hien huet dësen Uerde fir säin Engagement fir den europäeschen Opbau, mä ganz speziell fir d‘Fërderung vun de Relatiounen tëscht Estland a Lëtzebuerg erhalen.

„Et ass fir mech eng grouss Éier mam Uerde vum Kräiz vun Terra Mariana ausgezeechent ze ginn“ esou de Premierminister dee betount: „Dësen Uerden ass en Temoignage fir déi grouss Frëndschaft an exemplaresch Relatioun déi tëscht Estland a Lëtzebuerg besteet“.

De Xavier Bettel stellt dann nach fest, datt Estland a Lëtzebuerg fir déi selwecht Wäerter astinn, a sech asetze fir d‘EU méi efficace am Sënn vun hire Bierger ze gestalten. „Lëtzebuerg huet déi éischt e-Ambassade op der Welt, a doriwwer si mir ganz besonnesch houfreg. Dës e-Ambassade hebergéiert d‘Date vun der Republik Estland um lëtzebuergeschem Buedem“, esou de Premier.

An de Xavier Bettel ënnersträicht, datt dëse Geste e grousse Vertrauensbeweis ass, deen déi exzellent Relatioun tëscht béide Länner bestätegt. Bei der Zeremonie huet de Premierminister dann och nach Estland zum Centenaire vu senger Onofhängegkeet gratuléiert. „Als Frënd, Partner an Alliéierten, si mir houfreg dëse Centenaire mat Estland a senge Bierger ze zelebréieren“.

Foto: (v.l.n.r.) Xavier Bettel, Premierminister vu Lëtzebuerg; Sven Mikser, Ausseminister vun Estland. Mat der Auszeechnung mam Uerde vum Kräiz vun Terra Mariana, ass de Premierminister fir déi besonnesch Verdéngschter an onermiddlecht Engagement fir Estland belount ginn. © SIP/Charles Caratini

Related topics Auszeechnung, e-Ambassade, Estland, Sven Mikser, Xavier Bettel
Next post Previous post