Search

You may also like

Et dierf een nees an de Musée
Neiegkeeten

Et dierf een nees an de Musée

Datt mam Antrëtt an d‘Phas 2 vum Deconfinement och eis

De Joe an de Justin setzen sech fir Klimaneutralitéit an
Neiegkeeten

De Joe an de Justin setzen sech fir Klimaneutralitéit an

Beim virtuelle Sommet USA-Kanada hunn sech d‘Staatscheffe Joe Biden a

dislikesurprise
Firwat en onkloer formuléiert Gesetz bal enger Partei hier Wahllëscht a Gefor bruecht hätt, erkläert
Neiegkeeten

Firwat en onkloer formuléiert Gesetz bal enger Partei hier Wahllëscht a Gefor bruecht hätt, erkläert

Et war bestëmmt eng Zeen, wou verschiddener bleech ugelaf waren:

Déi lénk bleiwen sech trei a Vertrauen op de mëndege Wieler

Déi lénk bleiwen sech trei a Vertrauen op de mëndege Wieler

Et war voll ginn am Bouneweger Kulturzentrum, wéi déi lénk op hire Neijoerschpatt agelueden haten. Nieft ville Militanten, waren och d‘Frënn aus dem Ausland (déi Linke, PCF, France Insoumise) der Aluedung nokomm. An et sollten net déi eenzeg sinn.

Op et un der politescher Ausriichtung vun der LSAP läit, oder just um Etienne Schneider senger Macron-Faszinatioun, huet eis wuel kee verroden, mee sämtlech Gewerkschafte waren op déi eng oder aner Manéier zu Bouneweg vertrueden. Esou de fréiere Leader vum Landesverband an LSAP-Member Nico Wennmacher.

Dee war awer net eleng, och de fréieren OGBL-President Nico Reding (deen elo de Virsëtz vun der Salariatskummer huet) an de Generalsekretär vun der CGFP, Steve Heiliger, haten sech ënnert d‘Militante gemëscht. Eigentlech wier dat eng Randbemierkung, mee 2018 ginn zu Lëtzebuerg Chamberwahlen ofgehalen, an do ass dat da schonn e Signal…

Gutt Sondage-Wäerter

E weidert Signal, och wann ee mat Sondage muss virsiichteg sinn, ass de Fait, datt laut RTL 30% vun de Sondéierte vertrauen an déi lénk hunn. Déi lénk hëlt dat gären un, an esou wéi et de Gary Diderich gesot huet, kann een op dëser Stëmmung opbauen, fir gesellschaftlech a politesch Fuerderungen duerch- an ëmzesetzen.

lénk

„Visionär ass et, wann déi lénk zanter dem Ufank fir eng Aarbechtszäitverkierzung mat vollem Lounausgläich antrëtt“, esou de Gary Diderich © Martine de Lagardère/moien.lu

Bei déi lénk bleift een op de Mënsch als Ganzes, an op de Salarié am besonnesche fokusséiert. Et stäipt ee sech also weiderhi géint de Kapitalismus, deen un de meeschte Konflikter uechtert d‘Welt schold huet, och wann et de Leit net méi schéngt opzefalen. Esou bedauert den engagéierte Politiker, datt ee fir d‘Lescht wéinst dem Irak-Krich op d‘Strooss gaangen ass.

Bedauerlech och, datt d‘Regierung de Budget fir Militärdepense verduebelt huet, esou de Gary Diderich deen op d‘Geschicht hiweist, an drun erënnert, datt et schonn emol an Europa gebrannt hat. Haut misst een op e neits wéinst Populismus, Friemefeindlechkeet, an ondemokratesche Verhale gutt uecht dinn, net déi falsch Leit un d‘Muecht ze loossen.

Zouversiichtlech an d‘Chamberwahlen

Aus der Ried vum Gary Diderich ass dann och zréckzebehalen, op wat sech déi lénk fir d‘Wahle wäerten astellen. Esou soll all deenen, déi „erkämpfte Rechter“ wëllen a Fro stellen de Buedem ënnert de Féiss entzu ginn. Eng ekologesch Verännerung gëtt et nëmme mat de Bierger, an dofir brauch et méi Demokratie a sozial Gerechtegkeet.

Déi lénk hunn sinn es och där politesche Feelentscheedunge midd, déi d‘Schéier tëscht Räich an Aarm ëmmer weider ausenaner dréckt. Datt am Logement de „fräie Maart“ versot huet, misst een och der Regierungspolitik zourechnen, déi et virgezunn huet de Promoteure fräi Hand ze loossen. Fir déi lénk ass et awer ausgeschloss, datt de Bierger nach eng Kéier fir d‘Kris misst bezuelen.

Mat engem Bléck op de politesche Bilan vun der Regierung, misst et jidderengem mat Verstand ersiichtlech ginn, datt et esou net ka weidergoen. Et kéint dach net sinn, datt dat eenzegt wat zielt d‘Geld ass. Schaffe bis zum „Burnout“ an awer net iwwer d‘Ronne kommen, keng Zäit fir d‘Famill an awer ëmmer disponibel sinn, dat dierf net d‘Zukunft sinn.

Déi ganz Ried vum Gary Diderich (och als Video)

Foto: (v.l.n.r.) David Wagner, Marc Baum, Carole Thomas, Gary Diderich © Martine de Lagardère/moien.lu

Related topics déi lénk, Gary Diderich, Neijoerschpatt
Next post Previous post