Search

You may also like

Méi Unerkennung an der Musekspedagogie: Wéi ginn d’Dozente elo aklasséiert?
Money Neiegkeeten

Méi Unerkennung an der Musekspedagogie: Wéi ginn d’Dozente elo aklasséiert?

De 15. Juli 2021 hu sech d’Inneministesch Taina Bofferding, den

„Fake News?! [ˈfɛɪ̯kˌnjuːs]“ – D’Themerei vum Trifolion am Abrëll 2021
Money Neiegkeeten

„Fake News?! [ˈfɛɪ̯kˌnjuːs]“ – D’Themerei vum Trifolion am Abrëll 2021

Den Iechternacher Trifolion invitéiert op zwee Evenementer Enn Abrëll 2021,

De Gesondheetsministère versprécht eng besser Kommunikatioun
Money Neiegkeeten

De Gesondheetsministère versprécht eng besser Kommunikatioun

Wéinst der Zounam vun de Covid19-Infektiounen, huet d‘Gesondheetsministesch Paulette Lenert

money

Déi nei Seidestrooss fänkt zu Beetebuerg un

E Blummekranz op der Lokomotiv an 41 Container huckepack, geet et Richtung Chengdu

Déi nei Seidestrooss fänkt zu Beetebuerg un

Et ass eng Première an d‘Freed huet een dem Direkter vu CFL-Cargo, Fränz Benoy, am Gesiicht ofgesinn. An den Event ass esouwuel historesch wéi wirtschaftlech relevant, och wann se dat zu Washington alt nees dierften eppes méi kritesch gesinn. Wéi och ëmmer, d‘USA ware gëschter net invitéiert, fir derbäi ze sinn, wéi den Test-Zuch sech op de Wee a Richtung Chengdu gemaach huet.

Dësen éischten Zuch vun der „Seidestrooss“ mat China, gëtt den 19. Abrëll zu Chengdu erwaart, a wann alles wéi virgesinn ofgelaf ass, kéint et schonn ab dësem Summer zu enger „regulärer“ Liaisoun tëscht dem Container-Terminal vu Beetebuerg a Chengdu kommen. Dat ass zumindest de Gedanken deen hannert dësem Projet steet, an d‘Handelsbezéiunge mat China sinn eppes Gutts.

Esou gesäit dat och de CFL-Generaldirekter Marc Wengler, dee sech wéi all seng Mataarbechter, fir dës Expressverbindung agesat huet. Aus gesondheetleche Grënn huet de Justizminister Felix Braz (déi gréng) zu Beetebuerg de Mobilitéitsminister François Bausch (déi gréng) vertrueden. A wéi net anescht ze erwaarden huet hien déi „Bréck“ tëscht China a Lëtzebuerg begréisst. Geet dach…

Muss sech elo alafen…

Déi éischt Adjointe vum Buergermeeschter vu Chengdu huet e puer Wierder zur Stad an der Provënz gesot. D‘Provënz Sechuan spillt eng gréisser wirtschaftlech Roll. D‘Stad Chengdu ass besonnesch fir eng Performancen an de beräicher Elektronik a Héich-Technologie renomméiert, mee verfüügt och iwwert eng kompetent a zouverlässeg Finanzplaz. Also bal alles wéi bei eis.

Bei allem Luef dierf een net aus den Ae verléiere, datt et gëschter awer emol an éischter Linn drëms gaangen ass déi éischt Expressverbindung tëscht China an der EU ze inauguréieren. An dësem Kontext huet de Marc Wengler eng Bréck zur Cargolux geschloen, hire Slogan „The Heart of Europe“ an d‘Wo geluecht, an op déi ganz erquicklech Erfolleger vu Lëtzebuerg higewisen.

Wat den Trajet betrëfft, esou muss een awer drop hiweisen, datt och wann d‘Schinne vun engem Wupp bis zum anere ginn, déi net iwwert de ganze Wee déi selwecht Spurbreet huet. Et muss 2 mol ëmgeluede ginn. Eng éischt Kéier op der Grenz zu Wäissrussland, an dann nees op der chinesescher Grenz, wéi vun der Strategie-Direktesch vu CFL-Multimodal, Barbara Chevalier erkläert ginn ass.

Foto: © CFL-Multimodal

Related topics Beetebuerg, CFL Cargo, CFL Multimodal, China, Containerland, Sechuan, Seidestrooss
Next post Previous post