Search

You may also like

Krus de mat? De Wochequiz (Woch vum 4. Dezember)
Neiegkeeten

Krus de mat? De Wochequiz (Woch vum 4. Dezember)

[onionbuzz quiz-id=73][/onionbuzz]   Eng weider beweegte Woch läit hannert eis.

Geriichtsmedeziner bestätege Suizid
Neiegkeeten

Geriichtsmedeziner bestätege Suizid

Virun enger Woch war den Investmentbanker a presuméierte Sexualstrooftäter Jeffrey

Verkéierssécherheet zu Lëtzebuerg
Neiegkeeten

Verkéierssécherheet zu Lëtzebuerg

Am Kader vun der Verkéierssécherheet fänkt de Méindeg, den 20.

Déidlechen Accident um Knuedler

Eng Äisskulptur ass um Sonndegowend a sech zesummegebrach an huet e Kand erschloen

Déidlechen Accident um Knuedler

Groussasaz fir d‘Rettungsdéngschter um Sonndegowend. Op der Äispist um Knuedler huet eng Äisskulptur noginn an ass op ee Kand gefall. D‘Kand ass nach op der Plaz verstuerwen. Domatter geet de Weekend, dee mat der Erëffnung vun de Wanter- a Chrëschtmäert ganz erfreelech ugefaangen huet, mat enger Tragedie op en Enn.

Et war géint 20 Auer, wéi eng vun den Äisskulpturen déi als Dekoratioun d‘Äispist um Knuedler opwäerte sollen, a sech zesummegebrach ass. Stécker vun dëser Skulptur sinn op ee Kand gefall. Heizou gëtt et e Video, ob deem ze gesinn ass, datt direkt éischt Hëllef geleescht ginn ass. Wéinst dem Sécherheetsdispositif dee mat de Wantermäert anhier geet, waren d‘Polizisten direkt do.

Bannent Minutten hunn d‘Beamten e Sécherheetsperimeter ageriicht. De Samu war och zäitno um Knuedler, mee all Beméiungen d‘Kand ze rette ware vergiewens. Kuerz viru Mëtternuecht huet d‘Police dann och den Dout vum Kand bestätegt. De Parquet huet eng Enquête ugeuerdent fir ze klären, wéi et zu dësem tragesche Virfall komme konnt. D‘Police huet en Zeienopruff lancéiert.

D‘Eltere vum Kand sinn vum psychologeschen Déngscht vum CGDIS betreit ginn. Wien op der Plaz war an eppes zur Klärung vun dësem trageschen Accident bäidroe kann, soll sech bei der Police ënnert der Nummer (+352) 2444 04500 oder iwwert den 113 mellen.

Foto: Um Donneschdeg waren an der Stad d‘Mäert feierlech erëffent ginn an de ganze Weekend war gutt Stëmmung ugesot, mat esou eppes huet dann och kee gerechent. Elo ass wichteg, datt d‘Ëmstänn déi zu dësem déidlechen Accident gefouert ginn séier gekläert ginn. © Martine de Lagardère/moien.lu

Related topics Accident, Äispist, Äisskulptur, Knuedler, Knuedler on Ice, VDL
Next post Previous post