Search

You may also like

Message vum Groussherzog Henri: „Et sinn am Fong kleng Gesten, déi Grousses kënne bewierken“
International Neiegkeeten

Message vum Groussherzog Henri: „Et sinn am Fong kleng Gesten, déi Grousses kënne bewierken“

Léif Matbierger, An dëse schwieregen Zäiten ass et mir wichteg,

Pyongyang setzt d‘Arméi an héchst Alarmbereetschaft
International Neiegkeeten

Pyongyang setzt d‘Arméi an héchst Alarmbereetschaft

Nordkorea, dat Land an deem et offiziell nach ëmmer kee

D‘Stad Esch Informéiert: Ofso vun de Festivitéite wéinst dem Coronavirus
International Neiegkeeten

D‘Stad Esch Informéiert: Ofso vun de Festivitéite wéinst dem Coronavirus

Déi Escher Gemeng an de Syndikat informéieren de Public, datt

Washington: Dem Donald Trump säin éischte Veto

US-Senat erkläert de Noutstand fir beendegt an den US-President stellt sech queesch

Washington: Dem Donald Trump säin éischte Veto

Am Sträit ëm d‘Grenzmauer tëscht den USA a Mexiko, gëtt et nei Revirementer. Mat sengem Veto huet den US-President Donald Trump, de Beschloss vum Kongress gekippt, mat deem seng Noutstandserklärung zur Finanzéierung vun der „Mauer“ opgehuewe gi war. Et ass dem President säin éischte Veto an dëser Legislaturperiod.

Wann en Donald Trump „veriergert“ ass, oder säi Wëllen net esou duerchgesat kritt wéi hie sech dat virgestallt huet, da muss Twitter leiden an eng „Show“ fir d‘Weltpress gëtt et als extra uewendrop. Esou huet de 45. US-President d‘Ënnerschrëft ënnert säi Veto nees no alle Reegele vun der Tëleerealitéit inzeenéiert, wat bei den Unhänger ëmmer gutt ukënnt, d‘Saach awer net besser mécht.

Hien hat sech mat Polizisten ëmginn, an huet eng Famill fonnt, där hir Kanner sollen duerch illegal Awanderer ëmbruecht gi sinn. En esou huet den Donald Trump gemengt: „Onse Migratioun- a Awanderungssystem ass iwwert d‘Belaaschtungsgrenz ewech ugespaant. D‘Ofstëmmung géint meng Noutstandserklärung am Kongress ass geféierlech an onverantwortlech“.

Wéi geet dëst politescht Koméidistéck weider? Nodeems – erwaardungsgeméiss – d‘Demokraten am Representantenhaus d‘Noutstandsgesetz gekippt haten, an dunn och de Senat – an deem dem Donald Trump seng Republikaner d‘Majoritéit hunn – och géint dëst ominéist Gesetz gestëmmt huet (59 zu 41) stoung de Milliardär mat Réck zur Wand, an net wierklech vill Optiounen.

Donald Trump

Elo verhält et sech dann esou, datt sollt et de politesche Wëlle ginn dem US-President säi Veto och ze „iwwerstëmmen“, dat nëmmen a béide Kummere vum Kongress (Representantenhaus a Senat) méiglech ass, an et do och ëmmer eng zweedrëttel Majoritéit muss ginn. Eng Méiglechkeet déi een ausschléisse kann, wat eis dozou bréngt ze behaapten, datt sech elo Geriichter musse „këmmeren“.

mat indymedia/was

Foto: Grenzsécherung ass wichteg a Sënnvoll, mee eng Mauer kann d‘Léisung net sinn, esou zumindest d‘Meenung vun enger Majoritéit am US-Kongress. Dat huet den Donald Trump gezwongen säin éischte Veto anzesetzen. Elo wäerten sech d‘Geriichter musse mam „Noutstand“ beschäftegen. © Yesica Uvina/US-Customs

Related topics Demokraten, Donald Trump, Grenzmauer, Kongress, nationalen Noutstand, Republikaner, Veto
Next post Previous post