Erfollegräich Schnoffelnuesen: Ronn zwou Milliounen Euro Boergeld um Findel opgespuert

Wéi d’Douane an de Wirtschaftsministère matdeelen, hunn déi zwee Hollandse-Herder-Geldspierhënn Gwen a Syrah an de leschten 3 Wochen um Findel hir Nues mat Succès agesat. Ronn zwou Milliounen Euro Boergeld, dat net deklaréiert war, hunn déi gewiift Véierbeener a Wallissen um Fluchhafen erschnoffelt.

© Douane

D’Suen am agechekte Bagage hätt solle Richtung Istanbul geschmuggelt ginn, wat da géint dat europäescht an nationaalt Gesetz verstouss hätt. Laut der Veruerdnung (EG) Nr. 1889/2005 vum EU-Parlament an dem Rot mussen nämlech Beträg ab 10.000 Euro ugemellt ginn.

D’Gesetz vum 27. Oktober 2010 zur Organisatioun vun de Kontrolle vum physeschen Transport vu Boergeld gesäit eng Strof vun 251 bis 25.000 Euro am Fall vun engem Verstouss vir. D’Zomm gëtt beschlagnaamt.

Opmaacherbild: © Douane