Search

You may also like

Buchpresentatioun: D’Lëtzebuerger Versioun vum Albert Camus senger Pescht
Neiegkeeten

Buchpresentatioun: D’Lëtzebuerger Versioun vum Albert Camus senger Pescht

Dem Albert Camus säi Roman „D’Pescht“ weist eis, datt Mënschen

Tierkei schéckt auslännesch IS-Kämpfer heem
Neiegkeeten

Tierkei schéckt auslännesch IS-Kämpfer heem

Ankara hat et ugekënnegt an elo maachen d‘Tierken eescht. Um

Opgepasst! Onbestallt Päck mat Som ënnerwee
Neiegkeeten

Opgepasst! Onbestallt Päck mat Som ënnerwee

De Landwirtschaftsministère informéiert de Public, datt Päck mat Som um

E-Senior: Déi digital Welt a modern Medien einfach erkläert

E-Senior: Déi digital Welt a modern Medien einfach erkläert

Houfreg presentéiert d’Stad Esch säin neie Projet „E-Senior“. Zil ass et den eelere Mënschen duerch informativ Videoen nëtzlech Tipps a wichteg Informatiounen zum Ëmgang mam Internet, Smartphone a Co. ze bidden.

Grad elo wärend der aktueller Pandemie gräife mir méi heefeg op sozial Medien an den Internet zeréck fir a Kontakt mat eise Léifsten ze bleiwen. Dës Chance huet awer net jiddwereen – déi digital Welt ass komplett Neiland oder et versteet een esou munch Begrëffer, Knäppercher a Funktiounen einfach net.

Fir also déi digital Kompetenzen bei den eelere Generatiounen ze fërderen, Barrièren ofzebauen a jiddwereen an d’Digitaliséierung anzebannen, wäert ab haut all Mëttwoch Owend um 18:00 Auer d’Sendung „E-Senior“ op EschTV ausgestraalt ginn an esou den Zougang zu de moderne Medien erliichteren.

E-Senior

Bis Enn des Jores sinn ganzer 10 Videoe geplangt. Thematiséiert ginn den Internet, WLAN, Sichmaschinnen, Smartphone, Apps, Sozial Medien, Facebook, WhatsApp, Videouriff, Falschinformatiounen. An huet een d’Sendung emol verpasst, kann een d’Erklärungsvideoen am „Replay“ – also an der Widderhuelung – och op esch.tv fannen.

Méiglech gemaach gëtt dëse Projet duerch den Informationsbüro Escher BiBBS, an Zesummenaarbecht mat GoldenMe. D’ASBL, déi vun de Studenten Mara Kroth a Johannes Heuschkel gegrënnt ginn ass, wëll déi digital Kompetenzen un d’Generatioun 55+ weider vermëttelen an zur Zäit vun der sanitärer Kris drop hiweisen, datt de richtegen Ëmgang mat dëse Medien eng reell Chance bitt, fir d’Gesellschaft ze verbannen.

Bei Froen kënnt Dir Iech u folgend Uspriechpartner riichten:

GoldenMe

Escher BiBBS

Related topics Apps, BiBBS, digital Medien, E-Senior, Ëmgang, EschTv, GoldenMe, Johannes Heusckel, Mara kroth, Sichmaschinnen, Sozial Medien
Next post Previous post