Search

You may also like

money
De Präis vum Pëtrol fänkt nees un méi deier ze ginn
Neiegkeeten

De Präis vum Pëtrol fänkt nees un méi deier ze ginn

Um Dënschdeg huet de Pëtrolspräis nees ugezunn, wéi den amerikanesche

Konstruktiv Ënnerriedung tëscht der ULC an der CLC
Neiegkeeten

Konstruktiv Ënnerriedung tëscht der ULC an der CLC

Am Kader vun enger rezenter Ënnerriedung tëscht dem Konsumenteschutz (ULC)

EU-Sommet: De forcéierte „Migratiouns-Accord“ ass net zefriddestellend
Neiegkeeten

EU-Sommet: De forcéierte „Migratiouns-Accord“ ass net zefriddestellend

D’Europäer hunn hire Sträit am Dossier „Migratioun“ net bäigeluecht kritt.

E staarkt Benevolat am Naturschutz – de Storch

E staarkt Benevolat am Naturschutz – de Storch

D’Freed bei den Naturschützer war immens, wou 2013 de Wäisse Storch oder och Stuerk genannt, eng éischte Kéier op Lëtzebuerg komm ass, fir ze bréien. Dobäi huet de Vull sech de renaturéierten Uelzechtdall bei Näerzeng erausgesicht. Mat dësem Video, am Kader zum Projet „E staarkt Benevolat am Naturschutz“ gëtt net nëmmen de Storch ervirgehuewen, mee och duergestallt, wéi een hautdesdaags groussraimeg Biotopen nees hierstellen a bedreeten Aarten ee Liewensraum bidde kann.

De wäisse Storch, dee jo eigentlech ëmmer sou duergestallt gëtt, wéi wann en d’Puppelcher bréngt, stolzéiert gären op Wisen a Felder ronderëm a baut säin Nascht op Haiser a Schaarschtecher. Säi schwaarzen Aartgenoss ass allerdéngs méi heefeg hei am Land unzetreffen. De Vull ass de scheie Géigepart, deen zeréckgezunn an de Bëscher lieft, Fësch frësst a just seelen observéiert ka ginn.

Eréischt Ufank vum 21. Joerhonnert ass de Schwaarzstorch erfuerscht ginn, wouduerch hien als mysteriéise Gesell gëllt. Säi gréng-mooft Halsgefieder faszinéiert d’Ornitologe besonnesch. Zu Lëtzebuerg bréit hien zënter 1993.

Storch

Fir de Storch ze ënnerstëtze gräift natur&ëmwelt zur XXL-Versioun vum bekannte Vullenhaisschen. De Mënsch kann, och wann d’Déier selwer an der Lag misst sinn een Nascht ze bauen, mat engem sougenannte Konschthorst hëllefen an d’Usiidlung fërderen. E klassescht Beispill heivir sinn déi speziell Plattformen, déi extra fir de Vull opgeriicht gi sinn.

Zum Video-Projet

„E staarkt Benevolat am Naturschutz“ ass ee vum Ministère fir Ëmwelt, Klima an nohalteg Entwécklung ko-finanzéierte Video-Projet. An dësem Kader gi 15 kuerz Filmer produzéiert, déi ee Mix aus Videoopnamen, Grafikinfoen a Comics bidden. Dobäi ginn, wéi an engem Lexikon, verschidden Themen opgegraff an op d’Wichtegkeet vum Benevolat higewisen.

Den éischte Video am Kader vun dësem Projet ass zum Thema Regulus Club. Weider Informatioune fannt Dir HEI.

Related topics E staarkt Benevolat, natur&ëmwelt, Schwaarzstorch, Stuerk, Video-Projet, Vull, Wäisse Storch
Next post Previous post