Search

You may also like

Wou Héichspannung eng ganz Regioun elektriséiert
Meenung

Wou Héichspannung eng ganz Regioun elektriséiert

D‘Stëmmung am Uelzechtdall ass eppes ugespaant an de Grond einfach:

Dëppegéisser, Keele-Klatzen an Dogwalker: Gewënner vun der Summerausstellung vun der Stad Lëtzebuerg geéiert
Meenung

Dëppegéisser, Keele-Klatzen an Dogwalker: Gewënner vun der Summerausstellung vun der Stad Lëtzebuerg geéiert

Um Dënschdeg hunn d‘Gewënner vum Concours, deen am Kader vun

money
Et maachen ëmmer méi Betriber zou
Meenung

Et maachen ëmmer méi Betriber zou

D‘Experte vum statisteschen Amt (STATEC) stelle fest datt d‘Zuel vun

Editorial: Keng Feierdagsstëmmung ouni eppes Stress

Editorial: Keng Feierdagsstëmmung ouni eppes Stress

Et ass Chrëschtdag, dir wësst schonn, ee vun deenen Deeg wou een op Besënnlechkeet ageschwuer gëtt, ee sech gefällegst an säi feinsten Zwir ze geheien huet, a bei Dësch och emol beweisen dierf, datt een esou eppes wéi Manéieren huet. Fir vill Mënsche wier dat elo scho Stress genuch, mee do ass jo och déi Saach mam schenken. Wien do net virgesuergt huet, dee muss sech duebel stressen.

Wann ee bedenkt, datt jidderee de Stéchdatum kennt, a Chrëschtdag ass net nëmmen all Joers, mee och nach ëmmer zur selwechter Zäit stattfënnt, dann dierf ee sech schonn d‘Fro stellen, firwat een sech do net mat Zäite begannt, alle déi sënnvoll a manner sënnvoll Kaddoen zesummenzedroen. A wat gëtt net alles un „Entschëllegungen“ firwat et engem net gelonge wëll sinn sech virzebereeden.

Gutt, datt kee Mënsch méi Zäit fir iergendeppes huet – et muss ee schaffen, sech an de sozialen Netzwierker zu villem äusseren, an et kënnt esouguer vir, datt ee Famill huet – dat wierkt sech natierlech op d‘Konsumverhalen aus. Alles gëtt op de leschte Stëppel preparéiert, et weess ee jo ganz genee wat e wëll a wat ee braucht. Also, eigentlech weess een dat, oder et sollt een et wëssen.

An awer – et muss ee sech just an der Uewerstad op dësem Méindegmueren ëmgekuckt hunn – lafe vill Leit liicht gestresst de 24. Dezember duerch d‘Geschäfter, treffe spontan Entscheedungen, déi si mat eppes „Ofstand“ esou ni géifen huelen, an hunn es dees Chrëschtdag scho genuch iert et iwwerhaapt lass gaangen ass. Eng Zigar fir de Bop, en Streckeise fir d‘Madamm, en Akafsbong fir d‘Kanner… si keng klassesch Kaddoen, mee de Stress deen d‘Virstellungskraaft beschränkt.

Dofir ass et gutt, datt d‘Mënschheet sech op d‘Maxime gëeenegt huet, datt et de Geste ass deen zielt an – zumindest wann een d‘Rechnung nach huet – bal alles kann ëmgetosch ginn. Wat sech net méi ëmtausche léisst, kann een dann am neie Joer op de bekannte Plattformen zu Geld ëmwandelen. An dofir alt nees d‘Fro: „Firwat dee ganze Stress?“. Ma ganz einfach, mir wëssen et net besser…

Related topics Chrëschtdag, Famill, Kaddoen, Stress
Next post Previous post