Search

You may also like

A Katalounien hunn se sech nees fir d‘Onofhängegkeet entscheet
Fail Neiegkeeten

A Katalounien hunn se sech nees fir d‘Onofhängegkeet entscheet

Um Donneschdeg waren d‘Katalanen zur Wal opgefuerdert ginn. D‘Resultat dierft

CGFP prangert onverantwortlech Impfstrategie un
Fail Neiegkeeten

CGFP prangert onverantwortlech Impfstrategie un

D‘Impfcampagne heizuland verleeft nëmme schleefend. An der Bevëlkerung breet sech

De Sportprogramm vum Weekend (26. – 28.03.2021)
Fail Neiegkeeten

De Sportprogramm vum Weekend (26. – 28.03.2021)

Fir dëse Weekend – un deem iwwregens och d’Zäit ëmgestallt

dislike

Eist d’Zil bei der Energieeffizienz réckelt erëm mi wäit ewech

Läschte Stand: EU läit mat 4% iwwert dem 2020 Zil

Eist d’Zil bei der Energieeffizienz réckelt erëm mi wäit ewech

Vir 2020 huet Europa, an domat och Lëtzebuerg, sech a punkto Klima villes virgeholl. Dëst trëfft och op den Energieverbrauch zou. Genau do huet d’EU sech e Stéck vum Zil ewech beweegt. 2016 louche mer 4% vum Zil ewech. 2014 waren et der just 1,7%.

Mee wat genee ass dëst Zil? Vir 2020 wëll d’EU de Verbrauch vu Primärenergie op héchsten 1.483 Milliounen Tonnen Réiueleg an en Endenergieverbrauch op héchstens 1.086 Milliounen Tonnen Réiueleg reduzéieren. Laut Eurostat gouf et do och eng zimlech Evolutioun: en Déifpunkt gouf 2005 erreecht, wou ee ganzer 15,5% iwwert dësem Zil louch. Do sinn déi 4%, déi mer 2016 driwwer louchen, scho méi positiv.

Beim Endernergieverbrauch läit d’EU bei enger Divergenz vun 2%. Do louche mer 2014 souguer 2,1% ënnert dem Zil. Leider konnt dëst duerch en Uklammen an de leschten zwee Joer net erhale bleiwen.

Och bei der Energieeffizienz ass Lëtzebuerg net onbedéngt e Musterschüler

Griicheland (- 23,6%), Malta (-22,5%) a Rumänien (- 20,2%) sinn déi Länner, déi hiren Energieverbrauch am meeschte gedrosselt krut hunn. Nëmmen an Estland (+ 13,4%) an a Polen (+ 3,2%) war de Verbrauch tëscht 2006 an 2016 geklommen.

Wéi vill aner Länner an der EU och huet Lëtzebuerg tëscht 1996 an 2006 säin Inlands-Energieverbrauch ëm 39,5% gesteigert. Tëscht 2006 an 2016 krute mer en ëm 11,1% gedrosselt. Am Verglach zu eisen Nopeschlänner schneide mer do vergläichsweis schlecht of: Nëmme Frankräich huet hei e Wuesstem vun 6,7% tëscht 1996 an 2006 ze verzeechnen, während al aner Länner souwuel an dëser wéi och an der Period 2006-2016 er Réckgang gesinn hunn.

Dës Zilsetzung ass net déi eenzeg, déi fir 2020 gesat gi sinn. Treibhausgasemissiounen sollen och ëm 20% gekierzt ginn. Bei den erneierbaren Energien sollen och e Prozentsaz vun 20% erreecht ginn, wou zu Lëtzebuerg awer nach e Progrès ze gesinn ass, deen ze wënschen iwwreg léisst.

 

 

Related topics Energie, EU, Europa, Lëtzebuerg, Nohaltegkeet
Next post Previous post