Search

You may also like

Editorial: Brauch et eng Impfflicht?
Neiegkeeten

Editorial: Brauch et eng Impfflicht?

An der ganzer Unioun huet et politesch Aktivisten an engagéiert

Cool Vibes um On Stéitsch – Editioun 2021
Neiegkeeten

Cool Vibes um On Stéitsch – Editioun 2021

Et gehéiert zur Traditioun datt den éischte Weekend no der

D’80/80/90 Reegel gëtt ofgeschaaft! Mee fir d’CGFP ass bei der Reform nach net alles kloer
Neiegkeeten

D’80/80/90 Reegel gëtt ofgeschaaft! Mee fir d’CGFP ass bei der Reform nach net alles kloer

Wéi et aus dem Communiqué vun der CGFP ervirgeet, ass

D‘Police brauch eng nei Fourrière

D‘Police brauch eng nei Fourrière

De 17. September hat den Deputé-Maire vun Esch-Uelzecht, Georges Mischo (CSV) dem Henri Kox eng drénglech parlamentaresch Fro (2675) zougestallt, wou hie vum Policeminister wësse wollt, op et richteg ass, datt d‘Fourrière vun der Police zu Esch op Decisioun vum 14. August elo tatsächlech zougemaach ginn ass, a wéi eng Alternativen de Minister an dësem Kontext ubitt.

A senger Äntwert huet de Minister fir bannenzeg Sécherheet bestätegt, datt d‘Police de 14. August d‘Fourrière an der Gebléishal aus Sécherheetsgrënn opginn huet. D‘Gebléishal wier souwisou eng provisoresch Léisung gewiescht. Mee d‘Police wéi d‘Verwaltung vun den ëffentleche Gebaier hunn einfach keng aner Plaz fonnt, zumindest nach net fir elo direkt. Et géif awer weider gesicht.

Et wier sécher oft a laang doriwwer nogeduecht ginn, beim Kreesverkéier Raemerech d‘Fourrière laangfristeg ze installéieren, mee dat konnt net realiséiert ginn. Zudeem muss esou eng Fourrière zimmlech vill berécksiichtegen: si muss grouss, ofgeséchert, iwwerwaacht an och nach no genuch beim concernéierte Service ugesidelt sinn. A si soll de ganze Südoste vum Land zerwéieren…

Datt sech do op kommunalem Plang séier wéineg Léisungen ubidden erkläert sech vum selwen, a fir den Ament ass een nach op der Sich. Esou stinn der Police aktuell just d‘Fourrière vum Findel a Kolmer-Bierg zur Verfügung. Weise mir nach drop hin, datt fir säi Gefier nees „fräi“ ze kréien, oft ee puer honnert Euro fälleg ginn. Do ass et scho praktesch wann de Büro no bäi geleeën ass.

Illustratioun: © Jaromir Kavan / unsplash

Related topics Esch-Uelzecht, Fourrière, Georges Mischo, parlamentaresch Fro 2675, Police
Next post Previous post