Search

You may also like

Problemer an der Schoul? Da muss an der Vakanz geléiert ginn
International Neiegkeeten

Problemer an der Schoul? Da muss an der Vakanz geléiert ginn

Wärend sech d‘Gewerkschaft SEW/OGBL schonn emol däitlech géint d‘Nohëllef am

Aktioun Bambësch fir Ouschteren
International Neiegkeeten

Aktioun Bambësch fir Ouschteren

Säit elo méi wéi véier Joerzéngten, bitt d‘Stad Lëtzebuerg de

money
Lëtzebuerg net erfreet iwwert d‘Besteierung vum Digitalen
International Neiegkeeten

Lëtzebuerg net erfreet iwwert d‘Besteierung vum Digitalen

Um Freideg huet de Finanzminister Pierre Gramegna bedauert, datt d‘EU-Kommissioun

Thailand: Ënneroffizéier leeft Amok

Medie schwätze vu 25 Doudegen an 63 Blesséierten – Täter vu Sécherheetskräften erschoss

Thailand: Ënneroffizéier leeft Amok

Bei engem Amoklaf am thailänneschen Nordosten huet en Ënneroffizéier vun der thailännescher Arméi mindestens 21 Mënschen erschoss. Den Zaldot, dee ee Samschdeg säi Colonel erschoss a sech uschléissend zu Nakhon Ratchasima an engem Akafszenter verschanzt huet – wou hien sech och Geisele gekroopt hat – gouf um fréie Sonndegmuere vun der Police neutraliséiert.

Laut deem wat zur Stonn bekannt ass, soll den Täter versicht hunn, säin Amoklaf live iwwer de Stream op Facebook ze verbreeden. Säi Konto gouf awer zäitno gespaart. Ugefaangen huet dem thailänneschen Zaldot seng Odyssee an der Kasär Surathampithak: hei huet hien en Offizéier an 2 weider Persounen erschoss. Duerno huet hie sech mat engem Gefier duerch d‘Bascht gemaach.

Gewosst ass elo datt den Ënneroffizéier an den Akafszenter „Terminal 21“ gefuer ass, wou hie sech de Wee fräigeschoss huet. Heibäi si mindestens 31 Persoune blesséiert ginn. Hei huet den Zaldot sech déi ganz Nuecht verschanzt. Um fréie Sonndegmuere waren nees Schëss aus dem Gebai gemellt ginn. Heibäi soll ee Polizist erschoss gi sinn, heescht säitens den zoustännegen Autoritéiten.

ËnneroffizéierD‘Arméi an d‘Police haten den Akafszenter ëmstallt an hu séier de Rez-de-chaussée ageholl a kontrolléiert. Esou konnten Dosende Clienten evakuéiert ginn. Um Asaz géint den Amokleefer waren och Spezialeenheete vun der Arméi bedeelegt. D‘Police hat dem Ënneroffizéier seng Mamm op d‘Plaz bruecht, dat an der Hoffnung, datt si hire Bouf kéint iwwerrieden sech ze erginn.

mat The Irrawaddy/indymedia

Foto: Via Facebook wollt den Amokleefer seng Dot an der Welt verbreeden. D‘Entreprise huet dem mann seng Säit mëttlerweil vum netz geholl.

Related topics Amoklaf, Geiselnam, Nakhon Ratchasima, Police, Surathampithak, Terminal 21, Thailand
Next post Previous post