Search

You may also like

Vill Froen am Stater Gemengerot
Neiegkeeten

Vill Froen am Stater Gemengerot

D‘Sëtzung vum Stater Gemengerot huet sech an groussen Zich emol

Lëtzebuerg, dat ass Vakanz – Guidéiert Touren un der Musel am Mee 2021
Neiegkeeten

Lëtzebuerg, dat ass Vakanz – Guidéiert Touren un der Musel am Mee 2021

Visit Moselle huet säi Programm vum Mee 2021 verëffentlecht an

Alt nees ee Chantier um Echangeur Hamm (Autobunn A1)
Neiegkeeten

Alt nees ee Chantier um Echangeur Hamm (Autobunn A1)

D’Stroossebauverwaltung deelt mat, datt et wéinst dem Reamenagement vum Echangeur

Enseignement: Wann et ausgesäit a mécht ewéi eng Int, firwat ass et da keng?

Enseignement: Wann et ausgesäit a mécht ewéi eng Int, firwat ass et da keng?

Op de soziale Medie kuréiert momentan e Facebookpost vum Schoulmeeschter Pol Breser. Hien ass vun der Santé informéiert ginn, datt eng Persoun aus sengem Ëmfeld am Enseignement positiv op Covid-19 getest gouf, wouduerch en 6 Deeg laang a Quarantaine misst goen. Mat der Mask däerf en nach an d’Schoul Coursen hale goen. Seng privat Zäit muss en allerdéngs doheem verbréngen, all Sortie ass verbueden.

Wann een d’Kommentaren zu sengem Post kuckt, ass den Här Breser net deen Eenzegen, deen dës Entscheedung net novollzéie kann.

Enseignement

Pol Breser / Facebook

Wéi e Sënn stécht dohannert? Mëttlerweil misst jo wierklech jidderee verstanen hunn, datt een sech reegelméisseg d’Hänn wäschen an desinfizéiere soll, esou wéi d’Mask undoe soll. Et ass scho bal en Automatismus ginn.

Dës, nawell onüblech Quarantaine gëtt vu ville Matbierger als “de Geck mat de Leit gemaach” ugeholl. Wat och ze verstoen ass. Quarantaine soll Quarantaine sinn. Mä an deem heite Fall, freet sech de Groussdeel: Wann et ausgesäit ewéi eng Int a mécht ewéi eng Int, firwat ass et da keng?

Gutt Fro, ma leider sinn d’Äntwerten net zefriddestellend. Wéi geféierlech ass de Virus dann nach? Wat wësse mir net?

Fakt ass: Tëscht dem 15. an 21. September goufen 93. Enseignante mat Ausgangserlaabnis a Quarantaine gesat. Dat huet ons Gesondheetsministesch Paulette Lenert dem Martine Hansen op eng parlamentaresch Fro (N° 2863) geäntwert. Wann e bedenkt, datt dat just véier Deeg sinn! Ausserdeem gëtt et dës Ausnam nach net fir aner Beruffer, dat ass awer geplangt – fir de Gesondheetssecteur.

Wär et net méi logesch gewiescht mat dëse Beruffer unzefänken? Wéi gouf dat decidéiert? A wou läit de Verglach? Äppel si keng Bieren, dat ass ons bewosst. Ewéi wär et mat: Dat selwecht Recht fir jiddereen?

Wien dréit dann elo d’Verantwortung, wann ee vun dësen Enseignante och positiv getest gëtt an de Virus mat bei sech heem bréngt? Wat geschitt, wann zoufällegerweis eng vulnerabel Persoun am Haushalt ass, déi dono immens mam Virus ze kämpfen huet?

Konsequent sinn, ass anescht. Leider muss een an dësem Fall der Santé hier Wierder op d’Goldwo leeën a selwer entscheeden. Wéi vill sinn se wäert?

Related topics Ausgangserlaabnis, Covid-19, Enseignement, Gesondheetsdirektioun, Konsequenz, Martine Hansen, Parlamentaresch Fro 2863, Pol Breser, positiv getest, Quarantaine, Responsabilitéit, Schoulmeeschter, Schoulwiesen, Schutzmask, Verantwortung, Verglach
Next post Previous post