Search

You may also like

Haut ass den internationalen Dag vun der Jugend!
International Neiegkeeten

Haut ass den internationalen Dag vun der Jugend!

D’Jugend ass d’Liewensphas tëscht Kandheet an Erwuessesinn. Et ass eng

Julian Assange: Staatsfeind oder Staatsfeind?
International Neiegkeeten

Julian Assange: Staatsfeind oder Staatsfeind?

An der medezinescher Fachzäitschrëft The Lancet steet geschriwwen: „Ausgoend vun

Wanted: Washington setzt e Kappgeld op de Maduro aus
International Neiegkeeten

Wanted: Washington setzt e Kappgeld op de Maduro aus

Et ass éischter ongewinnt fir net ze soen extrem seelen,

London gesäit en amerikaneschen Enthusiasmus fir e Fräihandelsaccord

London gesäit en amerikaneschen Enthusiasmus fir e Fräihandelsaccord

Wann een dem neie briteschen Ausseminister Jeremy Hunt gutt nogelauschtert huet, da soll dem Donald Trump seng Administratioun e richtegen „Enthusiasmus“ zum Ausdrock bruecht hunn, wéi et ëm e méigleche Fräihandelsaccord tëscht béiden Natioune gaangen ass. Dee soll direkt nom Brexit zustane kommen, esou de Brit um Mëttwoch, no sengem Besuch zu Washington.

„Eis Gespréicher hunn en echten Enthusiasmus säitens der US-Administratioun, a besonnesch vum President, fir d‘Opsetze vun engem britesch-amerikanesche Fräihandelsaccord – méiglechst direkt nom Austrëtt aus der europäescher Unioun – gewisen. Dovunner profitéieren d‘Entreprisen op béide Säite vum Atlantik“, esou de Communiqué, deen den Ausseminister Jeremy Hunt erausginn huet.

Am Communiqué vum US-Ausseminister Mike Pompeo, deen den Jeremy Hunt um Mëttwoch empfaangen huet, gëtt bestätegt, datt hien zesumme mat sengem briteschen Homolog „d‘Perspektiv vun engem zukünftege Fräihandelsaccord“ begréisst huet. Dat hat am Juli, wéi den diplomatesche Genie aus dem Wäissen Haus, déi britesch Brexit-Strategie torpedéiert hat, nach anescht ausgesinn.

Den Donald Trump huet, nodeems hien sech mat der britescher Premierministesch, Theresa May, getraff hat, seng Positioun „iwwerduecht“, a sech schliisslech bereet erkläert, dës „onvirstellbar Opportunitéit“ ze ergräifen. Den Hunt, deen sech och mam Vizepresident Mike Pence an aneren Déckkäpp aus dem Wäissen Haus getraff huet, ass den Amerikaner dankbar fir hir Solidaritéit.

Beim „Feindbild“ ass ee sech eens

Eng Solidaritéit, déi d‘USA manifestéiert haten, nodeems am Mäerz an England, e fréiere Spioun vergëft gi war. D‘Brite beschëllege Moskau hannert dëser Dot ze stoen, wat Washington a vollem Ëmfang esou och ënnerstëtzt. Déi westlech Haaptstied, un der Spëtzt Washington, haten dorops hin massiv russesch Diplomaten ausgewisen, dat ënnert dem Virwand si wieren all Spiounen.

An dësem Kontext, huet sech de Jeremy Hunt um Mëttwoch zu Washington mat Diplomate getraff, déi vu Russland, als Äntwert op déi vum Westen ausgewise russesch Diplomaten, heem geschéckt goufen. Hien huet, firwat och ëmmer, dësen Diplomaten e grousse Merci ausgeschwat. Mam Mike Pompeo, huet hien dann och nach iwwert déi „Gefor“ déi Russland duerstellt geschwat.

Geschwat ginn ass och iwwert den Iran. En Dossier an deem béid Natiounen ënnerschiddlecher Opfaassung sinn. Dozou gehéiert och de Konflikt am Yemen, dee vu Saudiarabien mat Waffe vun den Amerikaner, kontrolléiert gëtt. Haut sollt de briteschen Ausseminister op der UNO zu New York den Antonio Guterres gesinn, a virum Sécherheetsrot eppes zum islamesche Staat (IS) soen.

mat AFP

Foto: Zwee déi d‘Welt gebraucht huet: de briteschen Ausseminister Jeremy Hunt an den US-Ausseminister Mike Pompeo. © Nicholas Kamm/AFP

Related topics Fräihandel, Groussbritannien, Jeremy Hunt, Mike Pompeo, USA
Next post Previous post