Search

You may also like

Äerdbiewen a Japan: op mannst zwee Doudeger
Kultur Neiegkeeten

Äerdbiewen a Japan: op mannst zwee Doudeger

En zolidd Äerdbiewen huet haut de Weste vu Japan getraff.

surprise
Greta Thunberg am Interview bei Democracy Now!
Kultur Neiegkeeten

Greta Thunberg am Interview bei Democracy Now!

Et ass eng Symbolfigur fir déi Jonk an ee rout

Déif Unerkennung vum Groussherzog fir CHL-Mataarbechter
Kultur Neiegkeeten

Déif Unerkennung vum Groussherzog fir CHL-Mataarbechter

S.A.R. de Groussherzog Henri huet gëschter, zesumme mat der Gesondheetsministesch

Etikamera – D’Konscht vum sozialen an ekologesche Méiwäert

Etikamera – D’Konscht vum sozialen an ekologesche Méiwäert

Sponsored Story – „Ech hu vill Lëtzebuerger kennegeléiert a si vill iwwert d’Wäerter vum Land gewuer ginn“, esou huet d’Orit Israelson seng perséinlech Bilanz zum Fotoprojet Etikamera gezunn, un dem hatt elo schonn eng véierte Kéier deelgeholl huet. Sozial an ekologesch bemierkenswäert Projeten tëscht Rëmerschen, Esch-Uelzecht a Klierf ze besichen an hir Aarbecht fotografesch ze dokumentéieren, dat hunn, nieft dem Orit, am vergaangene Joer nach eng Doze weider Fotografinnen a Fotografen interesséiert.

Initiéiert gouf Etikamera vum Veräin etika, deen an enger Kooperatioun mat der Spuerkeess iwwert den alternative Spuer- a Kreditmechanismus zënter 1997 iwwer 200 Projete mat héijem sozialen an/oder ekologesche Méiwäert finanziell fërdert. D’Resultat vun der intensiver Beschäftegung mat zéng Projeten – vu ProActif a Co-Labor, iwwer Volvo, bis hin zu CELL an natur&ëmwelt – ass nach bis den 8. Februar an der Galshal vun der Gare ze gesinn.

Bei der Vernissage vun der Ausstellung, a Presenz vun der Kulturministesch Sam Tanson, huet d’Orit Israelson de Präis fir de beschte Storytelling iwwerreecht kritt, wärend d’Sana an d’Marie Sauerhöfer fir déi bescht Kompositioun ausgezeechent gi sinn. De Mikel Trako ass iwwerdeems besonnesch fir seng Eenzelfoto (Opmaacherbild) ernimmt ginn, déi de Jury am stäerkste beweegt huet: Et weist ee Projet zum Schutz vun der Biodiversitéit an Emeschbaach.

Bei der Expo, déi de ganzen Dag fräi zougänglech ass, sinn och Postkaarte vun ausgewielte Fotoe gratis erhältlech. Fir de Veräin etika ass dat eng gutt Geleeënheet, interessant an encouragéierend Projeten aus de Beräicher vun der ekologescher Landwirtschaft, erneierbaren Energien oder och der Reinsertioun vu Chômeuren ze presentéieren. Als Virreider vun engem noutwennege Wandel hu si besonnesch gënschteg Kreditkonditiounen erhalen.

D’Orit Israelson ass wärenddeem immens vum Engagement beréiert: „ Um Domaine vu Sunnen-Hoffmann goufen d’Wäibierger virun zwee Joer weiderhi gefleegt, obwuel de Frascht d’Riewen zerstéiert hat.“ Dat hätt déi déif Verbonnenheet zur Äerd gewisen, déi si un hiren eegene Papp erënnert huet, deen an Israel selwer als Bauer aktiv war.

Weider Informatioune ginn et ënnert www.etikamera.lu.

Related topics ekologesch, Etika asbl, Etikamera, Expo, Méiwäert, Mikel Trako, Orit Israelson, Sam Tanson, Sana a Marie Sauerhöfer, sozial, Sponsored Story
Next post Previous post