Search

You may also like

FITTINGinSIDE: E virtuelle Concert um Welthumanistendag 2021
International Neiegkeeten

FITTINGinSIDE: E virtuelle Concert um Welthumanistendag 2021

Muer fënnt de Welthumanistendag statt, deen zënter senger Kreatioun am

Den Ausseminister Jean Asselborn setzt sech fir d‘Ofschafe vun de Kontrollen un der däitsch-lëtzebuergescher Grenz an
International Neiegkeeten

Den Ausseminister Jean Asselborn setzt sech fir d‘Ofschafe vun de Kontrollen un der däitsch-lëtzebuergescher Grenz an

Virum Hannergrond vun de Grenzschléissungen a -kontrollen un den däitsche

Positiv Aktiounen – Net just nëmmen ee Label
International Neiegkeeten

Positiv Aktiounen – Net just nëmmen ee Label

Wärend enger Zeremonie, déi den 9. Dezember live iwwerdroe gouf,

Etüd: Bei Kanner déi ze vill op Ecrane kucken, verännert sech d‘Gehir

Etüd: Bei Kanner déi ze vill op Ecrane kucken, verännert sech d‘Gehir

D‘Gehir vu Kanner déi vill Zäit mat oder hannert engem Ecran verbréngen, erschéngt verännert. Dat geet aus der Analys vun den éischte Resultater ervir, no enger ambitiéiser Etüd, déi vun den amerikanesche Gesondheetsinstituter (NIH) duerchgefouert, a vu CBS opgedeckt ginn ass.

An 21 amerikanesche Fuerschungszenteren huet den NIH ugefaangen d‘Gehir vun 4.500 Kanner, am Alter tëscht 9 an 10 Joer, ze ënnersichen. Bei der Recherche geet et drëms erauszefannen, op den intensive Konsum vu Videospiller an d‘Zäit déi am Internet verbruecht gëtt, en direkten Impakt oder Afloss op hir Entwécklung hunn.

Déi éischt Resultater vun dëser Etüd, déi unhand de Biller, déi duerch Magnéitresonanz (IRM) erhale ginn, weisen „ënnerschiddlech Tracéen“ an der Gehirer vun de Kanner op. Dat wier besonnesch ausgepräagt „bei Kanner déi hir Tablett/Smartphone a Videospiller méi wéi siwe Stonnen den Dag notzen“, erkläert den Dr. Gaya Dowling an der Sendung 60 Minutes.

Esou ass festgestallt ginn, datt de Cortex (Cortex cerebri / Grousshirschuel) ofhëlt. Dat gëtt als en Alterungsprozess gewäert, woubäi de Wëssenschaftler betount, datt nach net gewosst op dëse Prozess schiedlech ass. „Mir wëssen net mat Sécherheet, op dat duerch d‘Zäit déi ee virun engem Ecran verbréngt entsteet. Mir wëssen och net op et schiedlech ass“, esou den Dr. Gaya Dowling.

Suchtverhalen a Gléckshormoner

Laut enger weiderer Wëssenschaftlerin, déi och fir déi genannten Emissioun befrot ginn ass, kann déi Zäit déi mat engem Smartphone verbruecht gëtt e Suchtverhalen ausléisen. Laut dem Dr. Kara Bagot, stimuléiert den Ëmgang mam Smartphone, den Ausstouss vun Dopamin (en opreegenden Neurotransmitter) dat sougenannte Gléckshormon.

Fir dat erauszefannen, huet hiert Team d‘Gehir vu Jugendlechen „gescannt“ während si sech mat hirem Instagram-Account beschäftegt hunn. „Et besteet duerchaus d‘Méiglechkeet, datt ee méi impulsiv agéiert, an datt een déi sozial Netzwierker op eng méi kompulsiv Aart a Weis notzt, wéi datt ee sech mat sech selwer beschäftegt“, esou den Dr. Kara Bagot.

Am Kontext vun dëser Etüd, huet den NIH am ganzen 11.000 Kanner „rekrutéiert“, déi iwwer Jore musse begleet an ënnersicht ginn, fir den Impakt vum Ëmgang mat den neien Technologien, a méi prezis den Afloss vun den Ecranen op dat mënschlecht Gehir, ze studéieren. Et wëll ee wëssen, op et sech op d‘Entwécklung vum Intellekt, dem soziale Verhalen an d‘Gesondheet, auswierkt.

mat AFP

Related topics Etüd, Gehir, Kanner, Magnéitresonanz, nei Technologien, NIH
Next post Previous post