Search

You may also like

Nogefrot: Wéi gesäit et an eise Prisongen a mat de Strummerten aus?
Kultur Neiegkeeten

Nogefrot: Wéi gesäit et an eise Prisongen a mat de Strummerten aus?

Datt d‘Berichterstattung – besonnesch fir kleng Redaktiounen – sech an

100 Kilometer propper Baachen: Um 28. Mäerz gëtt gebotzt!
Kultur Neiegkeeten

100 Kilometer propper Baachen: Um 28. Mäerz gëtt gebotzt!

Um Samschdeg, den 28. Mäerz 2020 steet déi grouss Botz

DB: Streik no gescheiterten Tarifverhandlungen
Kultur Neiegkeeten

DB: Streik no gescheiterten Tarifverhandlungen

D‘Gewerkschaft vun de Lokféierer (GDL) huet sech fir ee Streik

D’Textilindustrie vu Gëschter a vun Haut – En interaktive Musée an der Fiels

D’Textilindustrie vu Gëschter a vun Haut – En interaktive Musée an der Fiels

Als de fréieren Zentrum vun der Lëtzebuerger Textilproduktioun dréit d’Fiels net nëmmen en industriellt Ierwen, mee och eng gewësse Responsabilitéit fir eng nohalteg Notzung vun der Moud. Am Kader vun der Campagne „Rethink your clothes“ wäert esou ab nächstem Joer d’Dauerausstellung „D’Textilindustrie vu Gëschter a vun Haut“ d’Wëssen an d’Sensibiliséierung fërderen.

De klengen Textilmusée an der Annexe vun der aler Gare gräift d’Geschicht vun der Textilindustrie op, déi bis an d’Mëttelalter zeréckgeet. De Jang de Blannen hat de Wiewer an der Fiels de grousse Privileeg ginn mat ganzer véier Wiefstill, amplaz just mat engem ze schaffen. Vun der Handaarbecht bis hin zu de mechanesche Wiefstill, déi duerch d’Erfindung vun der Dampmaschinn am industriellen Zäitalter opkomm sinn, léiert de Visiteur schonn elo d’Geschicht méi no kennen.

Ma, elo erweidert sech de Musée a wäert ab dem éischten Trimester 2022 sengem Numm „D’Textilindustrie vu Gëschter a vun Haut“ all Éier maachen. Opgedeelt an zwee Deeler gëtt zum engen weiderhin dat industriellt Ierwen an d’Geschicht vun der Textilproduktioun zu Lëtzebuerg ervirgehuewen. Zum aneren geet et ëm d’Aktualitéit: De responsabele Konsum vun der Moud, verschiddenst Léisungen an Alternativen fir eng ekonomesch, sozial an ëmwelttechnesch Sensibiliséierung ze fërderen, stinn am Virdergrond.

Méiglech mécht dat d’Konventioun, déi vun der Direktioun vun der Kooperatioun fir Entwécklung an humanitären Aarbechten vum Baussen- an Europaministère, der ONG Fairtrade Lëtzebuerg an der Gemeng Fiels ënnerschriwwe gouf. Hëllef bei der Realisatioun kréie si vun den Amis du vieux Larochette an dem Georges Ginter, Proprietär vun den industrielle Maschinnen, déi fréier an der Textilproduktion an der Fiels genotzt gi sinn.

Related topics Amis du vieux Larochette, Baussen- an Europaministère, D'Textilindustrie vu Gëschter a vun Haut, de klengen Textilmusée, Fairtrade Lëtzebuerg, Fiels, Georges Ginter, Nohaltegkeet, responsabele Konsum, Rethink Your Clothes, Textilindustrie
Next post Previous post