Search

You may also like

Phil Live doheem: Programm fir d’Séil an d’Oueren
Neiegkeeten

Phil Live doheem: Programm fir d’Séil an d’Oueren

Wärend de leschte Wochen ass et duerch Dir-wësst-scho-wat immens roueg

New York rifft Katastrophennoutstand aus
Neiegkeeten

New York rifft Katastrophennoutstand aus

Well d‘Amerikaner dat mat der sanitärer Krisegestioun net ganz esou

All d‘selwecht – All anescht
Neiegkeeten

All d‘selwecht – All anescht

D’Ministesch Taina Bofferding huet deelgeholl. Bei Workshoppen a Schoulklassen huet

FairFashion Lab – Wa Konscht an nohalteg Moud vereent ginn

Am Kader vun der Campagne „Rethink your Clothes“ huet sech d’ONG Fairtrade Lëtzebuerg 6 lokal Artiste gekroopt, déi fair Mound mat hire kreativen Iddien vereene sollen. Bei dësem Projet erauskomm ass de „FairFashion Lab“, bei deem ab elo all Mount en neit eenzegaartegt Kleedungsstéck an/oder Accessoire wäert erauskommen.

Weltwäit ass d’Textilindustrie dee Secteur deen e risegen Deel zur Verknaschtung vun eisem Planéit bäidréit. Domat awer net genuch: Och d’Produzenten an Aarbechter ginn schlecht behandelt a bezuelt, ouni schlecht Gewësse gëtt géint d’Mënscherechter verstouss. D’Bewosstsinn, wéi een Impakt de Choix vum Kaf säitens dem Konsument kann hunn, ass nach net do. Ma, dat soll sech elo änneren.

Zënter e puer Joren heefe sech d’Diskussioune ronderëm d’Nohaltegkeet an och Lëtzebuerg ass nach a senger Entwécklung. Fir d’Opmierksamkeet op dëst Thema ze zéien, déi lokal Kreatioun ze fërderen a gläichzäiteg d’Produzenten an Aarbechter aus dem Textilsecteur an Asien an an Afrika ervirzehiewen, kann een op d’FairFashion Lab-Wierker gespaant sinn.

FairFashion Lab

D’Magie besteet aus engem Läffel Kreativitéit, enger Grëtz Nohaltegkeet an engem Soupçon Engagement. Genee dofir loossen den Antoine Lesch, d’Lynn Cosyn, d’Cathy Thill, d’Mia Kinsch, den Alain Welter an d’Irina Moons hir Iddien op d’Moud fléissen.

Fir dat éischt Wierk huet sech e staarken Trio zesumme gedoen: Den Antoine Lesch presentéiert seng Mark SOIN an huet dofir mat de Serigraphe vu Wezenberg an dem Streetwear-Geschäft Stitch zesummegeschafft. Erauskoum eng Kap mat der Opschrëft „Prenez SOIN“ – wéi passend zur aktueller Situatioun!

Virbestelle kann een d’Stécker iwwert fairfashion.rethink.lu. Weider Informatioune fannt Dir op www.rethink.lu.

Related topics Alain Welter, Antoine Lesch, Cathy Thill, eenzegaarteg Kleedungsstécker, FairFashion Lab, Fairtrade Lëtzebuerg, Franz Fyot, Irina Moons, Jean-Louis Zeien, Lynn Cosyn, Mënscherechter, Mia Kinsch, Nohaltegkeet, Produzenten, Rethink Your Clothes, Soin
Next post Previous post