Search

You may also like

Europa… eng Situatiounsiwwersiicht mat der Patronne
Neiegkeeten

Europa… eng Situatiounsiwwersiicht mat der Patronne

Et war dem Ursula von der Leyen hir éischt Ried

Wéi wierken déi gréng zu Ettelbréck?
Neiegkeeten

Wéi wierken déi gréng zu Ettelbréck?

Ettelbréck geet et wéi ville klenge Stied an Europa: Hier

Kannergeldreform fënnt net de richtegen Uklang
Neiegkeeten

Kannergeldreform fënnt net de richtegen Uklang

Nodeems am Regierungsrot vum leschte Mëttwoch 12. Mee de Reformprojet

FAL um Bostalsee: Op der Sich no 11 Vakanzebegleeder

FAL um Bostalsee: Op der Sich no 11 Vakanzebegleeder

Mir si frou, Iech kënne matzedeelen, dass déi éischt Vakanzewoche vun der FAL trotz der aktueller Kris, déi opgrond vum Coronavirus ausgeléist gouf, gutt an a Sécherheet ofgelaf sinn.

Ënnert dem Respekt vun den aktuelle Sécherheetsmoossname goufen d’Aktivitéiten op der Plaz esou adaptéiert, dass en ausräichende Sécherheetsofstand zu anere Leit garantéiert war. Och goufen d’Ekippen op der Plaz all Dag iwwert déi aktuell Situatioun vun deenen 2 Länner, Lëtzebuerg an d’Openthaltsland, informéiert.

D’Ekippe vun der Fondatioun si schonn ëmgaangen, déi nächst Vakanzekolonien, déi am Hierscht esou wéi am Wanter stattfanne wäerten, ze organiséieren. Fir de Persoune mat Autismus en 1 zu 1 Soutien a soumat eng individuell ugepasste Betreiung kënnen ze bidden, gräift d’FAL op d’Hëllef vu Vakanzebegleeder, déi e Benevolat bei der FAL maachen, zeréck.

Esou kritt all Persoun mat Autismus säi ganz perséinleche Begleeder, un den si sech zu all Moment riichte kann. Momentan ass d’Fondatioun nach op der Sich no 11 Leit, déi Loscht an Zäit hunn, zesumme mat de Residente vun de Wunnstrukturen eng schéin Zäit um Bostalsee an Däitschland ze verbréngen a si bei hirer Auszäit vun Doheem ze begleeden.

Dës Vakanze vu 5 Deeg fannen tëschent dem 16. November an dem 10. Dezember statt. De Mindestalter fir als Vakanzebegleeder matzegoen ass 18 Joer. Fir all weider Informatioune kënnt Dir gären e Mail un loisirs@fal.lu maachen.

Matgedeelt vun der Fondatioun Autismus Lëtzebuerg (FAL)

Opmaacherbild: © Frank Rauber / bostalsee.de

Related topics Benevolat, Bostalsee, FAL, Fondation Autisme Luxembourg, Fondatioun Autismus Lëtzebuerg, Hierscht, Jodie Schmit, Sécherheet, Vakanzebegleeder, Vakanzekolonie, Wanter
Next post Previous post