Search

You may also like

De Weltflüchtlingsdag, erkläert
Neiegkeeten

De Weltflüchtlingsdag, erkläert

Flüchtlingswell ass haut manner an der Press wéi virdrun. Mee

Galerie: Mëttelalterfest zu Useldeng
Neiegkeeten

Galerie: Mëttelalterfest zu Useldeng

                   

CGDIS: Ënnerhalb vu 15 Minutte sollen d’Asazkräfte op der Plaz sinn
Neiegkeeten

CGDIS: Ënnerhalb vu 15 Minutte sollen d’Asazkräfte op der Plaz sinn

An Zukunft soll de CGDIS ënnerhalb vu 15 Minutten iwwerall

Bluddeg Mineralien: Wéini kënnt e Lëtzebuerger Gesetz?

Bluddeg Mineralien: Wéini kënnt e Lëtzebuerger Gesetz?

Et sinn nëmmen nach knapp 2 Méint, bis datt dat europäescht Reglement zu de Konfliktmineralien bei den EU-Memberlänner a Kraaft trëtt. Wärend verschidde Länner, wéi beispillsweis Däitschland oder Holland sech schonn ëm d’Ëmsetzung gekëmmert hunn, läit zu Lëtzebuerg nach net emol e Gesetzesprojet an der Chamber vir. Dobäi befanne sech déi bluddeg Mineralien ënnert anerem an eisen Handyen, Computeren an aneren elektroneschen Apparater.

Esou rifft Fairtrade Lëtzebuerg dozou op, vir d’Legislatioun um nationalen Niveau endlech virunzebréngen an déi concernéiert Acteuren ze sensibiliséieren. Schonn am Mäerz 2020 koum vun der ONG en Appell fir méi Transparenz fir Firmen, déi mat Konfliktmineralie schaffen.

De Problem besteet doran, datt dës sougenannt 3TG-Mineralien – hei handelt et sech ëm Zënn, Tantal, Wolfram a Gold – bei hirer Extraktioun an dem Commerce mat Gewalt verbonne sinn. D’Bezeechnung vun de „bluddege Mineralien“ kënnt net vun ongeféiert: Sklaverei, Kanneraarbecht, Folter a Vergewaltegung si just e puer Konflikter, déi mat de Mineralien a Verbindung stinn.

E wichtegt Reglement fir eng Liwwerketten ouni Gewalt a Mënscherechtsverletzungen

„D’Europäescht Reglement, dat 2017 ënnerschriwwe ginn ass, verlaangt obligatoresch Kontrollen vu „responsabeler Suergfalt“ fir d’Importateure vun Zënn, Wolfram, Tantal a Gold, dat aus Konfliktzone kënnt an en héije Risiko opweist“, deelt Fairtrade Lëtzebuerg mat.

An esou freet sech d’ONG zurecht, wéini bei eis am Land e Gesetzesprojet virgeluecht gëtt an e Vott usteet. Bis den 1. Januar 2021 ass et net méi laang.

Dofir fuerdere si konkret:

  • Jäerlech Publikatioun vun der kompletter Lëscht mat den Entreprisen an Importateuren déi dem Reglement ënnerleien;
  • D’Aféiere vun (administrativen) effikasse Strofen, wann d’Informatiounen net publizéiert ginn;
  • Reegelméisseg Kontrolle vun den ekonomeschen Acteuren, an dat net nëmmen bei den techneschen Aspekter mee och am Beräich vum Respekt vun de Mënscherechter;
  • D’Aféiere vu Préiwungskritären;
  • D’Vermëttelen vun nëtzlechen Informatiounen an d’Begleedung vu concernéierten Entreprisen.

Laut Fairtrade sinn 20 Lëtzebuerger Entreprisen vum Reglement betraff, an och de Staat muss bei sengen ëffentlechen Akeef mat Respekt virgoen.

Eréischt am Februar 2018 hat d’Chamber eng Motioun gestëmmt, fir an Zukunft bei Keef eng raisonnabel Suergfalt um Niveau vun den duerch d’Reglement 2017/821 concernéierte Metaller unzewennen. Elo wier et also wichteg e Bilan ze maachen, wéi d’Motioun säit 2018 praktesch ëmgesat ginn ass.

Als Kandidat fir e Sëtz beim Rot vun de Mënscherechter vun der ONU wier et och gutt, fir sech als Virbild ze weisen an Deel vun engem konstruktiven Dialog mat de Memberlänner ze ginn.

Opmaacherbild: © Commission Justice et Paix

Related topics 3TG, Bluddeg Mineralien, Chamber, Commerce, Fairtrade Lëtzebuerg, Gold, Konfliktmineralien, Risiko, Tantan, Transparenz
Next post Previous post