Um haitegen Dënschteg fënnt den « Net-Fëmm-Dag statt. Dësen Dag ass vun der Weltgesondheitsorganisatioun an d’Liewe geruff ginn, fir op de weltwäiten Tubakonsum opmierksam ze maachen. Dozou gehéieren nämlech vill Doudesfäll- a Krankheetsfäll.
Dobäi muss d’Gesellschaft vun haut virun dësem enorme Schuet beschützt ginn. Opklärung a Präventioun spillen eng grouss Roll dobäi.
Fëmmen ass net gesond a scho guer net cool. Fëmmen ass ee vun de gréisste Gesondheetsrisiken, déi evitéiert kéinte ginn. An dës Gefore sinn ouni Zweiwel nogewise ginn.
1997 huet d’Bundesverfassungsgericht festgestallt, datt Fëmmen och schiedlech ka sinn, wa Mënschen den Damp nëmme passiv ofkréien.
Weltwäit stierwen ongeféier 6 Millioune Mënschen un de Folgen vum Tubak. Dorënner ass d’Hallschent just passiv vum Damp betraff – dozou gehéieren iwwer 150.000 Kanner. Et muss sech eppes änneren. Dës weideren spillen och sozial an ökonomesch Folgen, eng wichteg Roll bei der Bekämpfung vum Tubakkonsum.
Ma et ass schwéier. Déi grouss Entreprisen probéieren dacks jonk Mënsche vum Fëmmen ze iwwerzeegen, sief dat duerch Reklammen, an deenen eng Zigarett ee Symbol fir Fräiheet ass. Leider loossen déi Jonk sech vill ze liicht beaflossen.
