Findel: S.A.R. de Groussherzog huet sech d’Teststatioun ugekuckt

Grad fir d’Vakanzenzäit huet ee sech drop preparéiert, datt d’Infektiounszuelen nees klammen. Aus dësem Grond kritt een um Lëtzebuerger Findel säit Enn Mee d’Méiglechkeet gebueden, sech gratis testen ze loossen. Vun dëser Moossnam an dem Oflaf op der Plaz huet S.A.R. de Groussherzog sech e Samschdeg selwer iwwerzeegt.

Zesumme mam Premierminister Xavier Bettel an der Gesondheetsministesch Paulette Lenert huet de klenge Grupp sech duerch d’COVID-19-Teststatioun um Findel guidéiere gelooss. Ëm d’Presentatioun hu sech de René Steinhaus, CEO vum Lux-Airport, an de Jean-Luc Dourson, Direkter vu Bionext gekëmmert.

Wie mam Fliger ukënnt kritt verschidde Formater vum Depistage proposéiert. Fir déi Reesend ass et den einfachste Wee sech testen ze loossen, wärend d’Santé dës effikass Moossnam als Kontroll a Limitatioun vun den Infektiounen notzt.

An dësem Kader huet de Groussherzog sech aktiv bedeelegt an um Depistage deelgeholl.

Uewe fannt Dir eng Billergalerie zur Visitt vu S.A.R. dem Groussherzog um Findel © Cour grand-ducale / Kary Barthelemey