Search

You may also like

Inclusioun: eng Saga an dräi Akten
Kultur Neiegkeeten

Inclusioun: eng Saga an dräi Akten

En Dënschdeg huet den Munnerefer Deputé-Maire Lex Delles, als Rapporter

De Fall John F. Kennedy: entweder et seet een alles oder näischt!
Kultur Neiegkeeten

De Fall John F. Kennedy: entweder et seet een alles oder näischt!

E Knuppert mat Zäitzünder oder just eng naass Wick? D’Trump-Administratioun

money
Europa importéiert 3 Milliounen Tonne Kaffi am Joer
Kultur Neiegkeeten

Europa importéiert 3 Milliounen Tonne Kaffi am Joer

Mueres geet einfach näischt ouni Kaffi. Virun allem Méindes. Et

Fondation EME: Äre Concertsvideo fir Altersheemer!

Fondation EME: Äre Concertsvideo fir Altersheemer!

Déi rasant Ausbreedung vum Coronavirus zwéngt Lëtzebuerg zum reegelrechte Stëllstand. Elo wou all Evenementer ofgesot sinn a sozial Kontakter op ee Minimum reduzéiert solle ginn, froe sech net nëmme Kanner, Jugendlecher an Erwuessener, wéi si hier Zäit verbrénge solle, mee och eng Villzuel u Senioren an den Alters- a Fleegeheemer.

Ma, och wann zuelräich Concerten hu missen ofgesot ginn, ass dat fir d’Fondation EME kee Grond, de Leit net weiderhin Freed un der Musek ze vermëttelen. Schliisslech maachen déi nei Technologien et hautdesdaags méiglech, per Video den Alldag vun eelere Leit ze verséissen. Aus dësem Grond mécht d’Fondation EME ee ganz waarmen Appell un d’Museker dobaussen: Mat engem klenge musikalesche Video gëtt all deenen eng immens Freed gemaach, déi duerch déi aktuell Situatioun kee Besuch vun hire Famillen empfänke kënnen.

Wéi soll dat goen? Et ass ganz einfach:

  1. Huelt Äre klenge Concert als Video op
  2. Verëffentlecht dëse Video op Facebook oder YouTube
  3. Leet de Link un d’Fondation EME weider

D’Fondatioun këmmert sech uschléissend dorëm, datt dat musikalescht Wierk um Zil ukënnt. Bis ewell goufen schonn e puer flott Projete realiséiert, wouriwwer d’Alters- a Fleegeheemer immens dankbar waren. Endlech e bëssen Ofwiesslung!

Bei weidere Froen kënne sech Interesséierter beim Sarah Bergdoll via contact@fondation-eme.lu mellen.

Fondation EME

© Sarah Bergdoll

Méi zur Fondation EME

Scho säit 2009 ass et d’Missioun vun der Fondatioun EME, fir Mënschen een Zougang zur Musek ze erméiglechen, déi vum kulturelle Liewen ausgeschloss ginn. Dës sozial Initiativ mat heelendem Charakter ënnerstëtzt een interaktiivt Musek-Erliefnis a bréngt divers Gruppen zesummen, fir un de räichhaltegen Offeren deelzehuelen. Am vergaangene Joer huet d’Fondatioun mat Häerz säin 10. Gebuertsdag grouss dirfe feieren.

 Opmaacherbild: © Sébastien Grébille

Related topics Altersheem, Ausnamezoustand, Concertsvideo, Coronavirus, Covid-19, Ënnerhalung, Fleegeheem, Fondation EME, Musék, Ofwiesslung
Next post Previous post