Search

You may also like

ADR fuerdert Direkt-Hëllef fir Independanten, Kleng- a Mëttelbetriber!
Neiegkeeten

ADR fuerdert Direkt-Hëllef fir Independanten, Kleng- a Mëttelbetriber!

Laut der Regierung sinn eis Staatsfinanzen an der Rei. Esou

Kommentar: E Patronage fir Esch2022
Neiegkeeten

Kommentar: E Patronage fir Esch2022

Knapps datt ee bericht huet, Esch2022 géif elo kommunizéieren, gesäit

dislike
Frësch Loft fir däitsch Stied: De Wee fir den Diesel-Verbuet ass fräi!
Neiegkeeten

Frësch Loft fir däitsch Stied: De Wee fir den Diesel-Verbuet ass fräi!

Dieselautoe kéinten deemnächst an däitsche Stied der Vergaangenheet ugehéieren. Déi

Fondatioun Autismus Lëtzebuerg: Zesummen ass ee staark!

Fondatioun Autismus Lëtzebuerg: Zesummen ass ee staark!

Ee Mangel un Ariichtungen an Déngschtleeschtunge fir Persounen, déi Autismus opweisen, huet um 18. Juni 1996 ee Grupp vu betraffenen Elteren dozou verleet d’Fondatioun Autismus Lëtzebuerg (FAL) ze grënnen. Virun allem sollt et heibäi ëm eng éischtklasseg Betreiung vu betraffene Persounen, dat zesumme mat Leit vum Fach an den Elteren selwer, wéi och d’Vermëttlung vu Wëssen an d’Bäibehalen vun der Autonomie vun den Autisten goen. Mëttlerweil verdeelt sech d’FAL op 3 Standuerter a bitt all Joer ee räichhaltege Programm un Aktivitéiten un.

Zu Lëtzebuerg weist 1 vun 100 Persoun déi neurologesch Stéierung op, déi besser als Autismus bekannt ass. Oft entwéckelt dës Stéierung sech an den éischten 3 Liewensjoren. Betraffe Persoune weise Mierkmoler wéi eng gestéiert sozial Interaktioun, Beanträchtegungen an der Kommunikatioun a Interaktioun, wéi och speziell Interessen a repetitiv Verhalensweisen op. Gëtt den Autist aus senger Routine gerappt, reagéiert hien mat sech widderhuelende Beweegungen, ongewéinleche Reaktiounen oder och dem Festhale vu Géigestänn.

Ervir ze hiewen ass och, datt d’Sënner immens betraff sinn, soumat immens sensibel oder reduzéiert reagéieren. A ville Fäll ass Autismus mat enger associéierter Stéierung (geeschteg Behënnerung, Epilepsie,…) verbonnen. Eng Heelung ass net méiglech, Talenter a Fäegkeeten kënnen awer gefërdert ginn. An hei kënnt d’FAL an d’Spill!

Wat d’Fondatioun ubitt

Eng grouss Ekipp u Professionellen a Benevollen setzt sech mat Enthusiasmus, Motivatioun an dem néidegen Know-How dofir ass, datt betraffe Persounen ee qualitativ héichwäertegt Liewen féiere kënnen. Mat diverse Beschäftegungen an Offeren këmmert ee sech zesumme mat den Elteren net eleng ëm d’Potential vum Autist, mee och ëm d’Verbreede vu Wëssen an Informatiounen. Hei fannt Dir eng Rei Déngschter, déi vun der FAL ugebuede ginn:

  • Diagnostik: Mat enger Rei Ënnersichungen, Gespréicher a verschiddene Beobachtunge gëtt Ënnerstëtzung gebueden, fir d’Diagnose ze stellen. Heibäi gëtt als éischt emol gekuckt, op d’Persoun iwwerhaapt Autismus huet. Uschléissend gi sech Fäegkeeten ermëttelt an individuell ofgestëmmt Strategien zur Erzéiung virgeschloen. Am Joer 2018 konnten esou 69 Persounen eng Diagnos gestalt ginn.
  • Ënnerstëtzung: Der FAL geet et net eleng dorëm, eng ugepasst Betreiung ze bidden a soumat den Alldag vun der betraffener Persoun ze erliichteren. Ma, et wëll een och Bewosstsinn fir d’Stéierung schafen an dofir suergen, datt Verständnis a Wëssen géigeniwwer Autismus entsteet.

    Fondatioun Autismus Lëtzebuerg

    © Fondatioun Autismus Lëtzebuerg

  • Dagesbetreiung: Vu Méindes bis Freides kënnen Erwuessener an der Kichen, Wäscherei, Gäertnerei oder och der Bastelstuff aktiv schaffen. Donieft ginn Aktivitéiten, wéi Sport a kulturell Aktivitéiten ugebueden. Och autistesch Kanner kënnen souwuel wärend der Schoulzäit, wéi och an hire Vakanzen an de Genoss vun den zuelräichen Aktivitéite kommen. Vu bastelen, kachen a soziale Spiller, iwwert spadséiere oder schwamme goen, bis hin zu Besich vun Déieren- a Fräizäitparken, Bootstouren a Visitten vun Evenementer ass de Programm gutt gefëllt.

    Fondatioun Autismus Lëtzebuerg

    © Fondatioun Autismus Lëtzebuerg

  • Wunnen: Déi dräi Wunnheemer zu Munzen hunn dat ganzt Joer iwwer op an erméiglechen hire Bewunner autonom a wierdeg ze liewen. Jeeweils zwee Betreier këmmere sech ëm 6 Persounen, déi tëscht 18 bis 67 Joer al sinn. Opgedeelt a Wunngruppen kommen d’Autisten den normalen Flichten am Haushalt no an huele reegelméisseg un externen Aktivitéiten deel.

    Fondatioun Autismus Lëtzebuerg

    © Fondatioun Autismus Lëtzebuerg

  • Kuerzopenthalter: Sollten d’Elteren oder d’Ëmfeld emol eng Paus wëllen, respektiv hiert Kand eng kuerzzäiteg intensiv Betreiung benéidegen, stinn ëmmer zwee Zëmmer fir kuerz Openthalter zur Verfügung.

    Fondatioun Autismus Lëtzebuerg

    © Fondatioun Autismus Lëtzebuerg

  • Vakanz a Fräizäit: Reegelméisseg ginn Reesen, déi ënnert engem gewëssen Thema stinn, fir all Gruppe geplangt. Fir Persoune mam Asperger-Syndrom oder High-Level-Autismus ginn an dësem Joer weideren 3 dräi exklusiv Trips a Stied organiséiert. Virun zwee Joer waren et 50 Famillen, déi vun dëser Offer profitéiert hunn an den 61 Benevollen hiert Vertraue geschenkt hunn. Mat ganzer 22 Kolonien an 263 Sortien ass mat Engagement an Häerzblutt gepunkt ginn.

    Fondatioun Autismus Lëtzebuerg

    © Fondatioun Autismus Lëtzebuerg

Bei der Fondatioun Autismus Lëtzebuerg kënnt all Altersgrupp op hir Käschten. Eleng gelooss gëtt keen, zesummen kann ee Grousses schafen. Wëllt Dir méi zur FAL an hiren Déngschter wëssen, oder och Iech selwer als Benevole mellen, da kuckt emol laanscht op www.fal.lu.

Wéi et ass als Fräiwëllegen bei der Vakanzekolonie matzeschaffen, gidd Dir am zweedeelegen Interview mam Danielle Keup gewuer:

Opmaacherbild: © Fondatioun Autismus Lëtzebuerg

Related topics Behënnerung, Bewosstsinn, Capellen, Dagesbetreiung, Danielle Keup, FAL, Fërderung, Fondation Autisme Luxembourg, Fondatioun Autismus Lëtzebuerg, Munzen, neurologesch Stéierung, Rammëresch, Vakanzekolonie, Wunnheem
Next post Previous post